ئاخفتنكه‌رێ فراكسیونا پارتى : دێ پروژه‌كێ چاكسازیێ ده‌ینه‌ پارتا خو

ئاخفتنكه‌رێ ب ناڤێ فراكسیونا پارتى ل په‌رله‌مانێ كوردستانێ راگه‌هاند كو پشتى كومبوونا فراكسیونا وان ل دور كومبوونا جڤاتا سه‌ركرداتیا پارتى دیموكراتى كوردستان ب مه‌ره‌ما چاكسازیان دێ پروژه‌كى ده‌ته‌ سه‌روكێ هه‌رێما كوردستانێ .
محه‌مه‌د عه‌لى یاسین , ئاخفتنكه‌رێ ب ناڤێ فراكسیونا پارتى ل په‌رله‌مانێ كوردستانێ بو ده‌زگه‌هێ راگه‌هاندنێ راگه‌هاند : فراكسیونا پارتى ل په‌رله‌مانێ كوردستانێ دێ پروژه‌كێ چاكسازیێ بو حزبا خو و حكومه‌تا هه‌رێمێ پێشكێشى مه‌سعود بارزانى سه‌روكێ هه‌رێما كوردستانێ كه‌ت.
ناڤبرى زێده‌تر گوت : ئه‌و پروژێ چاكسازیێ ژ دوو پشكان پێك دهێت , ئێك یێ تایبه‌ته‌ ب حزبێ و یێ دوویێ یێ تایبه‌ته‌ ب حكومه‌تا هه‌رێما كوردستانێ .
 محه‌مه‌د عه‌لى یاسین دا زانین ژى كو بو چاكسازیێن پارتى فراكسیونا پارتى پێشنیازا دوو باره‌ دارشتنا هه‌یكه‌لێ حزبێ دكه‌ت و داخواز ژێ كریه‌ كو باره‌گایێن پارتى بهێنه‌ كێمكرن.
هه‌روه‌سا ئاخفتنكه‌رێ ب ناڤێ فراكسیونا پارتى  ل په‌رله‌مانى دیار كر كو بو چاكسازیێن ناف حكومه‌تێ ژى ئه‌و پشته‌ڤانیا بریارێن مه‌سعود بارزانى سه‌روكێ هه‌رێما كوردستانێ دكه‌ن.

2016-02-29
2188