پارێزگه‌رێ دهوكێ دگه‌ل رێڤه‌به‌رێن گه‌نجینا و بانكێن پارێزگه‌هێ كومبوو

ژ بو شروڤه‌كرنا قه‌یرانا دارایى و ئابورى و بزاڤێن حكومه‌تا هه‌رێما كوردستانێ بو رێكخستنا داهاتى و كێمكرنا خه‌رجییا, ئه‌ڤرۆ فه‌رهاد ئه‌مین ئه‌تروشى پارێزگه‌رێ دهوكێ كومبوونه‌ك دگه‌ل رێڤه‌به‌رێن گه‌نجینا و بانكێن پارێزگه‌هێ سازكر.
د كومبوونێدا به‌حسێ كار و خزمه‌تێن دارایى یێن ب رێكا رێڤه‌به‌ریێن گه‌نجینان و بانكێن فه‌رمى بو وه‌لاتییان و فه‌رمانبه‌ر و فه‌رمه‌نگه‌هێن میرى دهێنه‌ پێشكێشكرن, هاته‌ كرن.
د ته‌وه‌ره‌كێ دى دا به‌حسێ خورتكرنا هه‌ماهه‌نگیێ دناڤبه‌را سازیێن دارایى و فه‌رمانگه‌هێن میرى ژبو رێكخستنا داهاتى و كێمكرنا خه‌رجییان ب گشتى هاته‌ كرن.
پارێزگه‌رێ دهوكێ چه‌ند شیره‌ت و ئاموژگارى دانه‌ به‌رهه‌ڤبوویێن كومبوونێ و خواست كو هه‌مى د هاریكاربن و كارێن خو یێن دارایى و بانكى ل دویڤ رێنمایان ئه‌نجامبده‌ن و هه‌مى ئاسانكارییا بكه‌ن دا كار و خزمه‌ت باشتر بهێنه‌ پێشكێشكرن.

2016-02-24
2235