به‌رپرسێ لقێ ئێكێ پارتى دیموكراتى كوردستان دوو سمینار پێشكێشكرن

ب مه‌ره‌ما شلوڤه‌ كرنا ره‌وشا سیاسى و ئابورى و له‌شكه‌رى ل روژهه‌لاتا ناڤه‌راست و هه‌رێما كوردستانێ ب تایبه‌تى و نویترین گهورینێن ده‌ڤه‌رێ, ئه‌ڤرو عبدالخالق بابیرى به‌رپرسێ لقێ ئێكێ پارتى دیموكراتى كوردستان دوو سمینار بو
كادرێن پارتى دیموكراتى كوردستان ل سنورێ لقێ ئێك ڤه‌ پێشكێشكرن.
د سمینارێن خودا عبدالخالق بابیرى روناهى به‌ردا سه‌ر ره‌وشا نوكه‌ یا ده‌ڤه‌را روژهه‌لاتا ناڤه‌راست دبیاڤێن سیاسى و له‌شكه‌رى و ئابورى دا و سیناریویا گهورینا نه‌خشێ نویێ وه‌لاتێن ڤێ ده‌ڤه‌رێ ,هه‌روه‌سا ره‌وشا سوریا پشتى بویه‌ جهێ ململان و هه‌ڤدژیا وه‌لاتان وكارتێكرنا وێ ل سه‌ر وه‌لاتێن جیران و لدویڤدا به‌رپرسێ لقێ ته‌كه‌ز كره‌ سه‌ر ده‌لیڤا سه‌ربه‌خوبون وده‌وله‌ت بونێ د ڤان كاودانان دا و دیاركر هه‌رێما كوردستانێ دشێت مفاى ژ ڤێ ده‌لیڤا زێرین ببینیت چونكه‌ وه‌لاتێن رێگرو دوژمنێن هه‌رێمێ  نوكه‌ زوور لاواز بوینه‌ و هێزا جاران نه‌مایه‌.
ود ته‌وه‌ره‌كێ دیێ  سمینارێن خودا به‌رپرسێ لقێ ئاماژه‌ دا پروژێ جه‌نابێ سه‌روكێ هه‌رێمێ و پارتى بو چاكسازیێن دناڤ حكومه‌تێ و پارتى دا , دیاركر دڤێت وه‌كو ئه‌ركه‌كێ پیروز و مه‌زن  ل سه‌ر مللێت كادرێت پارتى روله‌كێ به‌رچاڤ بگێرن د پشته‌ڤانیكرنا ڤى پروژه‌ى دا. هه‌روه‌سا ژبه‌ر هه‌ستكرن ب به‌رپرسیاره‌تیا دیروكى و نه‌ته‌وه‌یى دڤێت كادرێ پارتى دناڤ ته‌خ و چینێن جڤاكى دا ببنه‌ پێشه‌نگ بو خوراگرى و هشیاریا نه‌ته‌وه‌یى به‌رامبه‌ر ڤان كاودانێت ئالوزێت دارایى و سیاسى.
و ل دوماهیا  سمیناران ده‌رگه‌هێ دان ستاندنێ بو ئاماده‌بویان هاته‌ڤه‌كرن.

 

2016-02-24
2177