سه‌روكێ هه‌رێما كوردستانێ ل سه‌لاحه‌دین دگه‌ل بالیوزێ بریتانیا فرانك به‌یكه‌ر كومبوو

  ئه‌ڤرو  مه‌سعود بارزانى سه‌روكێ هه‌رێما كوردستانێ ل سه‌لاحه‌دین دگه‌ل بالیوزێ بریتانیا فرانك به‌یكه‌ر كومبوو .
د دیداره‌كێ دا به‌حسێ كونفرانسێ ئاسایشا میونشن دووهزار وشازدێ و دیدار و چالاكیێن سه‌روك بارزانى د كونفرانسى داو ئه‌نجامان هاته‌ كرن هه‌روه‌سا به‌حسێ قه‌یرانا دارایى یا هه‌رێمێ و پێنگاڤێن حكومه‌تا هه‌رێما كوردستانێ بو روى ب رویبوونێ و چاره‌سه‌ركرنا قه‌یرانان هاته‌ به‌حسكرن , بالیوزێ بریتانیا ئاماده‌یا وه‌لاتێ خو راگه‌هاند كو برێكا شیره‌تكار و هنارتنا تیمێن ته‌كنیكى یێن بسپور هاریكاریا هه‌رێما كوردستانێ بكه‌ن بو ده‌ربازبوون ژ ڤێ قه‌یرانێ .
هه‌ر د دیدارێ دا به‌حسێ دویماهیك پێشهاتێن سیاسى و ئێمناهیێن ده‌ڤه‌رێ و عیراقێ و شه‌رێ داعش هاته‌ كرن هه‌روه‌سا ئاماده‌كاریێن ئوپه‌راسیونا ئازادكرنا مویسل و قوناغێن پشتى داعش هاتنه‌ به‌حسكرن .

2016-02-23
2258