جڤاتا ئاسایشا هه‌رێما كوردستانێ راگه‌هانده‌ك سه‌باره‌ت ئوپه‌راسیونه‌كا تایبه‌ت یا دژه‌ تیرورا كوردستان ل دناڤ سنورێن مویسل دا بو رزگاركرنا ئافره‌ته‌كا سویدى به‌لاڤكر

    جڤاتا ئاسایشا هه‌رێما كوردستانێ راگه‌هانده‌ك سه‌باره‌ت ئوپه‌راسیونه‌كا تایبه‌ت یا دژه‌ تیرورا كوردستان ل دناڤ  سنورێن مویسل دا بو رزگاركرنا ئافره‌ته‌كا سویدى به‌لاڤكر.
ده‌قێ راگه‌هاندنا جڤاتا ئاساییشا هه‌رێما كوردستانێ .
ل رێككه‌فتى هه‌ڤده‌یى دوو دووهزار و شازده‌ د ئوپه‌راسیونه‌كا تایبه‌ت دا كو دناڤ سنورێن لژێر ده‌ستهه‌لاتا داعش ل ده‌ڤه‌ره‌كا نێزیك مویسل هاتیه‌ ئه‌نجام دان , هێزه‌كا تایبه‌تا دژه‌ تیرورا كوردستان شیا ئافره‌ته‌كا سوێدى رزگار بكه‌ت .وه‌لاتیا سوێدى بناڤێ مارلین ستیڤانى نڤیه‌رلاین یا ژیێ وێ شازده‌ ساله‌ و خه‌لكێ ده‌ڤه‌را بوروسه‌ ل وه‌لاتێ سوێد ل ناڤه‌راستا سالا بورى ژلایێ ئه‌ندامه‌كێ داعش ل سوێدێ د گه‌لخوئینا و گه‌هانده‌ سوریا و ل دویڤ دا ئینا مویسل , پشتى وێ چه‌ندێ كو ژلایێ خێزان و لایه‌نێن فه‌رمى یێن وه‌لاتێ سوێد بو مه‌به‌ستا رزگاركرنا وێ , داخواز ژ جڤاتا ئاسایشا هه‌رێما كوردستانێ هاتیه‌ كرن , جڤاتا ئاسایشا هه‌رێما كوردستانێ شیا د ئوپه‌راسیونه‌كا تایبه‌ت دا جهێ ئافره‌تێ دیار بكه‌ت و د كریاره‌كا تایبه‌ت دا شیا ئافره‌تا ناڤبرى رزگار بكه‌ت و نوكه‌ ل هه‌رێما كوردستانێ یه‌ و دگه‌ل لایه‌نێن په‌یوه‌ندیدار یێن سوێد رێكارێن پێدڤى بو ڤه‌گه‌راندنا ناڤبریێ بو وه‌لاتێ وێ دهێنه‌ برێڤه‌برن .
جڤاتا ئاسایشا هه‌رێما كوردستانێ
شازده‌ى بیست دووهزار و شازده‌

2016-02-23
2235