سه‌فین دزه‌یى: مه‌ داخاز ژ وه‌زاره‌تان كریه‌ لیستا موچێن هه‌یڤا دوو ئاماده‌ بكه‌ن

  سه‌فین دزه‌یى ئاخفتنكه‌رێ حكومه‌تا هه‌رێما كوردستانێ د كونگره‌كێ روژنامه‌ڤانى دا پشتى كومبوونا لیژنا روى ب رویبوونا قه‌یرانا دارایى د جڤاتا وه‌زیران دا راگه‌هاند :
داخواز ژ وه‌زاره‌تا دارایى كریه‌ ب زویترین ده‌م وه‌زاره‌تان ئاگه‌هدار بكه‌ت كو لیستا مووچێ هه‌یڤا دوو ئاماده‌بكه‌ن و بو وه‌زاره‌تا دارایى فرێكه‌ن ب مه‌به‌ستا ئاماده‌كرنا خشتێ به‌لاڤكرنێ .
هه‌روه‌سا گوت : سیاسه‌تا حكومه‌تێ ئه‌وه‌ كو هه‌ر داهاته‌كێ بێته‌ به‌رده‌ست نا راوه‌ستیت و دێ بو مووچێ فه‌رمانبه‌رێن هه‌رێما كوردستانێ  به‌لاڤكه‌ت .
هه‌روه‌سا سه‌فین دزه‌یى ئاماژه‌ ب په‌قاندنا بوریا نه‌فتا هه‌رێما كوردستانێ كر و راگه‌هاند كو ئه‌ڤ نه‌فته‌ به‌لاش ناچیت و دێ هێته‌ هنارتن به‌لێ ژبه‌ر په‌قاندنا بوریا نه‌فتا هه‌رێما كوردستانێ دناڤ ئاخا توركیا دا روژانه‌ نێزیكى پازده‌ ملیون دولاران زیان ب هه‌رێما كوردستانێ دكه‌ڤیت .

2016-02-23
2222