پارێزگه‌رێ دهوكێ پێشوازیا شانده‌كێ زانكویا كینگ یا بریتانى كر

ئه‌ڤرو فه‌رهاد ئه‌مین ئه‌تروشى پارێزگه‌رێ دهوكێ پێشوازیا شانده‌كێ زانكویا كینگ یا بریتانى ب سه‌روكاتیا كیێر كر.
دهه‌ڤدیتنه‌كێدا به‌حسێ په‌یوه‌ندیێن زانكویێن هه‌رێما كوردستانێ ب تایبه‌تى زانكویێن پارێزگه‌ها دهوكێ دگه‌ل زانكویێن بریتانیا  وچاوانیا په‌یداكرنا ده‌لیڤه‌یان  به‌رامبه‌ر وه‌رگرتنا قوتابیێن پارێزگه‌ها دهوكێ ل زانكویا كینگ یا له‌نده‌نى وره‌وشا ده‌ڤه‌رێ ژلایێ زانستى وره‌وشه‌نبیرى ب گشتى هاته‌ كرن.
دته‌وه‌ره‌كێ دى دا به‌حسێ هه‌ڤكارى وهاریكاریێ دناڤبه‌را زانكویا ئه‌مریكى ل دهوكێ وزانكویا كینگ یا بریتانى ژبو پێش ئێخستنا ئاستێ زانستى هاته‌ كرن.
پارێزگه‌رێ دهوكێ خوشحالیا خو ب سه‌ره‌دانا  شاندێ ناڤبرى  دیاركر وخواست كو زانكویا كینگ یا له‌نده‌نى بشێت هاریكاریا قوتابیێن پارێزگه‌ها دهوكێ بكه‌ت وده‌لیڤێن خواندنێ ل زانكویا كینگ بو په‌یدابكه‌ت وپشته‌ڤانیا كارگێریا پارێزگه‌هێ نیشان دا بو هه‌ر هاریكارییه‌كێ .

2016-02-23
2186