شاندێ لاوێن ئه‌وروپا : بو پشته‌ڤانیا پێشمه‌رگه‌ى هاتینه‌ هه‌ولێرێ ، بو رێفراندومێ دێ هاریكاریا لاوێن كوردستانێ كه‌ین

 ئه‌ڤرو فازل میرانى سكرتێرێ مه‌كته‌با سیاسى یا پارتى دیموكراتى كوردستان ل باره‌گایێ مه‌كته‌با سیاسى یا پارتى ل سه‌لاحه‌دین پێشوازیا خافێر هورتادو مێرا سكرتێرێ ئێكه‌تیا لاوێن ئه‌وروپا كر .د دیداره‌كێ دا كو مه‌حمود محه‌مه‌د و رێبوار یه‌لدا و كه‌مال كه‌ركوكى ئه‌ندامێن مه‌كته‌با سیاسى و ره‌مزى شه‌عبان ئه‌ندامێ یه‌ده‌كێ مه‌كته‌با سیاسى ئاماده‌ ببون .فازل میرانى زێده‌بارى بخێرهاتنا شاندێ مێهڤان دووپاتكر كو ئه‌ڤ ره‌نگێن سه‌ره‌دانان بو بهێزكرنا په‌یوه‌ندیێن دوستایه‌تیه‌ دناڤبه‌را لاوێن كوردستانێ و ئه‌وروپا و جیهانێ د گرنگن ب تایبه‌ت كو نوكه‌ هه‌رێما كوردستانێ د شه‌ره‌كێ سه‌پاندى دایه‌ ل دژى تیرورستێن داعش و پێشمه‌رگه‌ ب گیانێ فیداكاریێ به‌ره‌ڤانیێ ژ كوردستانێ و جیهانێ و مروڤاتیێ دكه‌ت و تێكشكاندنا ڤان تیرورستان د پێدڤینه‌ ب بزاڤێن هه‌ڤپشكێن هه‌مى لایه‌نان هه‌یه‌ ژبه‌ر كو تیرور گه‌فه‌ بو سه‌ر هه‌مى جیهانێ .ژلایێ خوڤه‌ سه‌روكێ ئێكه‌تیا لاوێن ئه‌وروپا سوپاسیا مه‌كته‌با سیاسى یا پارتى كر بو دیتنا ده‌رفه‌تا ڤێ دیدارێ و سوپاسیێن خو پێشكێشى هه‌رێما كوردستانێ و گه‌لێ كوردستانێ كرن بو ڤه‌حه‌واندانا هژمارا زور یا ئاواره‌ و په‌نابه‌ران .لدویماهیا دیدارێ فازل میرانى سوپاسیا هه‌لویستێ سه‌روكێ ئێكه‌تیا لاوێن ئه‌وروپا كر بو بلند سه‌نگاندن و پشته‌ڤانیا پارتى دیموكراتى كوردستانێ بو كارێن وى ده‌ربرى .

2016-02-20
2186