ب ههلكهفتا شازدهی تهباخێ شێست ودوو سالیا دامهزراندنا پارتی دیموكراتی كوردستان، سهروك بارزانی بهیاننامهیهك دهرئێێخستیه، ئهڤه دهقێ وێ یه :
ب ناڤێ خودێ مهزن ودلوڤان" ب ههلكهفتا یادا شێست ودوو سالیا دامهزراندنا پارتی دیموكراتی كوردستان، پارتیا خهبات وتێكوشینێ ژ پێناڤێ كوردستانێ، ئهز خو بهختهوهر دزانم گهرمترین پیروزباهیان ل ههمی ههڤالێن خوشتڤی ل سهركردایهتیا وئهندام ولایهنگر وجهماوهرێ پارتی بكهم وسلاڤێن تایبهت ژی بو مالباتێن سهربهرزێن شههێدێن ههردهم ساخ دهێنێرم .
دڤێ روژێ دا، ب رێز ڤه یادا دامهزرێنهرێ پارتی،بارزانیێ نهمر وههڤالێن وی دكهین، ههر دڤێ روژێ دا
ودهههمی بیرهوهریێن دی ژی دا جهێ پێشمهرگێ قارهمان دناڤ دلێ مه دایه.
هیڤیدارم تێكوشهرێن پارتی چهوا ل روژێن گران وسهخت ونهخوش دا دهست ژ خهباتێ بهرنهدایه ومل بملێ ههڤپهیمان وتێكوشهرێن گهلێ مه سهركهفتن بدهست ڤه ئینا، دیكتاتوریهت ژناڤبر،ژڤێرێ وێڤه پێدڤی یه ئهڤێ چهندێ بزانین كو هێشتا رێكا خهباتێ یا سهخت ودرێژه وگهلهك ئارمانجێن مه یێن ماین .
مهرجێ سهرهكی بو بجـهئینانا هشیاری وههست كرن ب بهرپرسیاریهتێ ههمی تاكه كهسهكێ جڤاكێ كوردستانێ یه، ب هێزكرنا ئێك رێزیا گهلێ مهیه وب هێزكرنا ههڤپهیمانی یه دگهل هێزێن دی یێن كوردستانی یه ب تایبهتی دناڤبهرا پارتی دیموكراتی كوردستان وئێكهتی نیشتیمانی كوردستان دا، ههمی دهما ب وێ ئێك رێزیێ دێ شێن رووی ب رووی تهحهدیاتان بین وكهركوك ودهڤهرێن ڤهقهتیایێن دی ژی ڤهگهرینه سهر ههرێما كوردستانێ ودامهزراندنا دهولهتا قانونی، ب دهزگههكرنا دهزگههێن ههرێمێ ودابینكرنا ژیانهكا پر ژ كهیف وخوشیێ بو گهلێ كوردستانێ، ههر سهركهفتی بن .
مهسعود بارزانی
پازدهی تهباخا دوو هزارو ههشتێ
