ههتا نوكه هێزێن پێشمهركههێ كوردستانێ ل سنورێ دهڤهرێن ڤهقهتیایی یێن ههرێمێ هیچ پروسێسهكا ڤهكێشانێ بو نههاتیه رهوانهكرن ،ههر ژبهر ڤێ چهندێ ژی هێزێن پێشمهرگههێ كوردستانێ بو پاراستنا دهڤهرێ دێ مینن.
پشتی بهلاڤبونا دهنگ وباسێن ڤهكێشانا هێزێن پێشمهرگههێ كوردستانێ ل سنورێ دهڤهرێن ڤهقهتیایی ژ ههرێمێ و ل جهێ وان هێزێن عیراقی دێ خوجهبن ،لسنورێ جهلهولاء فهرماندێ فهوجا 2 یا سهرب لیوا 34 یا هێزێن پێشمهرگههی پیشهنگ عیرفان حهمهخان د پهیوهندیهكا تێلهفونیا تایبهتدا راگههاند ههتا نوكه ژبلی مانا هێزێن مه ل دهڤهرێ هیچ بوسهكا دی بوڤهكێشانا هێزێن پێشمهرگههی ل دهڤهرێ نههاتینه رهوانه كرن لهورا هێزێن مه ل دهڤهرێن سنورێن ڤهقهتیایی دێ مینن و جهێ خو بهرنادن .
سهبارهت ههبونا هێزێن عیراقێ ل دهڤهرێن خانهقین و دهوربهرێن وێ عیرافان حهمهخان گوت سوپایێن عیراقێ ب مهرهما ئهنجامدانا ئوپارسیونهكا لهشكری هاتنه دهڤهرێ و ئوپراسیونا هێزێن وان ههتا دهڤهرا قهرهتهپه گههشتن و 10 ڤێ ههیڤێ كارو چالاكیێن وان بدوماهێ هاتن بهلێ بهروڤاژی وێ چهندێ كو بریار ئهو بو پشتی تهمام بونا ئوپراسیونا لهشكری ئهڤ هێزه بهێنه ڤهكێشان لێ ههتا نوكه نههاتینه ڤهكێشان و داخوازا ڤهكێشانا هێزێن پێشمهرگههی كریه ژ دهڤهرێ ، دگهل هندێ ئهم هاتینه ئاگههدار كرن بهیچ شێوهكی هێزێن مه نا هێنه ڤهكێشان چونكه دهمێ پتر ژ دوو سالایه ئێمناهیا سنورێ جهلهولا و دهوروبهرێن وێ ژ هێرشێن تیرورستان هێزێن پێشمهرگههی پاراستینه و ههتا نوكه چهندین شههید قوربانی مه داینه .
