2008/11/01

كونفرانسێ زانستی یێ زانستێن په‌له‌وه‌ران هاته‌ رێكخستن

  ژبوو پتر پێشڤه‌چونا زانستی و بكارئینانا ریێن زانستی یێن جیهانی و سه‌رده‌میانه‌ دبیاڤێ خودانكرنا پله‌وه‌ران كو دبنه‌ سامانه‌كێ سه‌ره‌كی یێ هه‌می وه‌لاتان وبتایبه‌ت ل هه‌رێما كوردستانێ ، ئه‌ڤرو و لژێر چاڤدێریا " دكتور عسمه‌ت خالد " سه‌روكێ زانكویا دهوكێ ، سه‌روكاتیا زانكویا دهوك ب هه‌ڤكاری دگه‌ل ئێكه‌تیا به‌رهه‌مئینانا په‌له‌وه‌ران یا عیراقێ ، كونفرانسێ دووێ یێ زانستێن په‌له‌وه‌ران ل باره‌گایێ سه‌نته‌رێ ره‌وشه‌نبیری و جڤاكی یێ زانكویا دهوك گێرا .

دڤی كونفرانسی دا هه‌ژماره‌كا ماموستا و ڤه‌كوله‌رێن زانكویێن هه‌رێما كوردستانێ ویێن وه‌لاتێ ئیرانێ پشكدارن ، و بوو ده‌مێ دوو روژان دێ ڤه‌كێشیتن و نێزیكی " 15 " ڤه‌كولین د پێشڤه‌برنا به‌رهه‌مێن په‌له‌وه‌راندا وبه‌رسینكگرتنا ئێشێن وان نه‌خاسم ئێشا " ئه‌نفله‌وه‌نزا بالدا " و بكارئینانا ئامیرێن نوی یێن خودانكرنا مریشكا  دێ هێنه‌ پێشكێش كرن .