2008/11/06

ل ڤان نێزیكان دێ پشكا دووێ ژ شانۆگه‌ریا وه‌لاتێ خه‌مگین هێته‌ نیشان دان

ل ڤان نێزیكان دێ پشكا دووێ ژ شانۆگه‌ریا "وه‌لاتێ خه‌مگین" ژ ده‌رهنیانا لوقمان ئه‌حمه‌د ل باژێرێ سێمێلێ هێته‌ نیشان دان.

ده‌رهێنه‌رێ شانۆگه‌ریا وه‌لاتێ خه‌مگین لوقمان ئه‌حمه‌د دداخویانه‌یه‌كا تایبه‌ت دا راگه‌هاند "ل ڤان نێزیكان پشكا دووێ ژ شانۆگه‌ریا "وه‌لاتێ خه‌مگین" ل هۆلا رۆژ ل سێمێلێ دێ هێته‌ نیشان".

  ده‌رهێنه‌ر لوقمان ئه‌حمه‌د ئاماژه‌ دایه‌ وێ چه‌ندێ كو ل رۆژا شه‌مبیا بهێت، دێ پرۆڤه‌ بۆ پشكا دووێ ژ شانۆگه‌ریا وه‌لاتێ خه‌مگین بهێت كرن و پاشان ل نێزكترین ده‌م دێ هێته‌ نیشان دان.

هه‌روه‌ها ده‌رهێنه‌ر لوقمان ئه‌حمه‌د ل دۆر كار و ئه‌كته‌رێن شانۆگه‌ریێ گوت "ئه‌ڤ شانۆگه‌ریا ژ نڤیسینا هۆنه‌رمه‌ند شڤان كه‌یم یه‌ و هن ئه‌كته‌ر دڤێ شانۆگه‌ریێ دا رۆله‌كی گرنگ دگێرن و ژوانه‌ ئه‌كته‌رێن سه‌ره‌كی مینا خالد سالح و ئه‌یاد حه‌جی كو رولێ دوو پێشمه‌رگه‌هێن شه‌هید دبینن و كه‌سه‌كی دن یاریێن خوه‌ ب وانه‌ دكه‌ت و ئه‌ف هه‌ردوو پێشمه‌رگه‌ بۆ وی خویادكه‌ن ئه‌م هه‌ر پێشمه‌رگه‌نه‌".

 دیسان ده‌هێنه‌ر لوقمان ئه‌حمه‌د ناڤه‌رۆكا  پشكا ئێكێ ژ شانۆگه‌ریا وه‌لاتێ خه‌مگین دیاركر كو به‌ری ده‌مه‌كی ل سێمێلێ هاتبوو نیشان دان و گوت "ناڤه‌رۆكا پشكا ئێكێ ژ شانۆگه‌ریا وه‌لاتێ خه‌مگین ژ نڤیسینا هۆنه‌رمه‌ند شڤان كه‌ریم و ئه‌كته‌را كچ سیوار جه‌لال كو رولێ دایكه‌كێ دبینیت و ئێش وئازارێن ملله‌تێ كورد ئاراسته‌ی جیهانێ بكه‌ت".

  ده‌رهێنه‌ر لوقمان ئه‌حمه‌د تا نها كارێ ئه‌ژماره‌كا زۆر یا شانۆگه‌ریا رابوویه‌ و سه‌رجه‌مێن دبنه‌ بێتر ژ حه‌فت شانۆگه‌ریا و به‌رهه‌مێن خوه‌ بارا بێتر ل سێمێلێ نیشان دانه‌ و گوت "شانۆگه‌ریێن تا نها ئه‌ز ب كارێ ده‌رهێنه‌ریێ بۆ دكم دبنه‌ هه‌شت شانۆگه‌ری و یه‌كه‌م شانۆگه‌ی ئه‌ز كارێ ده‌رهێنه‌ریێ رابوویم  شانۆگه‌ریا "وه‌ی ته‌ نه‌دیت" ل سالا 2005ێ هاتبوو نیشان دان و شانۆگه‌ریێن دیتریش ئه‌ڤه‌نه‌ شانۆگه‌ریا "قولاچێن بێزاریێ دا"، "گول ژ زانت"، "قه‌د باوه‌رناكه‌ت" و "وه‌لاتێ خه‌مگین"، زێده‌باری دوو شانۆگه‌ریێن كۆمیدی "قوتابیێن ئه‌ڤیندا" و "دادگه‌هكرنا تاوانباره‌كی".

  تێ گۆتن كو ده‌رهێنه‌ر لوقمان ئه‌حمه‌د ل سالا 1989 ل سێمێلێ ژ دایك بووه‌ و ئه‌ندامێ ده‌سته‌كا پشكا راگه‌هاندنێ سه‌نته‌رێ سێمێل یێ ره‌وشه‌نبیری، نها قوتابییه‌ ل قوناغا شه‌شه‌ێ ئاماده‌یی.