2008/8/00

كوردێن شه‌به‌ك برێیا خوپێشاندانه‌كا به‌رفره‌ھ داخوازا مافێن خو ل پارێزگه‌ها مویسل دكه‌ن

ئه‌ڤرو ل ناحیا به‌عشیقه‌ و برێیا خوپێشاندانه‌كا مه‌زن و به‌رفره‌ھ كو سه‌ده‌ها كورێن شه‌به‌ك و كه‌سایه‌تی و ماقویل و ره‌وشه‌نبیریان پشكداری تێدا كرن ، داخوزا وێ چه‌ندێ كرن كو بسه‌ر هه‌رێما كوردستانێ ڤه‌ بن چونكی ئه‌و " كوردن نه‌ عه‌ره‌بن " هه‌روه‌كی رێڤه‌به‌رێ ناحیا به‌عشیقه‌ بوو ده‌زگه‌هێن راگه‌هاندنێ به‌لاڤكری .

زنون یونس بوو ده‌زگه‌هێن راگه‌هاندنێ راگه‌هاند كو خوپێشاندنا ئاشتیانه‌ یا بسه‌ده‌هان كورێن شه‌به‌ك پشكداری تێدا كرین ، داخواز ڤه‌گه‌راندنا وان بوو باوه‌شا هه‌رێما كوردستانێ لسه‌ر بنه‌مایێ كو ئه‌و كوردن نه‌ عه‌ره‌بن ، ودرویشمێن ڤێ خوپێشاندانێ ره‌تكرنا نوینه‌ریا " حنین قدو" بوون دجڤاتا نوینه‌رێن عیراقا فێدرال دا ، وشه‌به‌ك ئێك ژ پێكهاتێن عیراقێ نه‌ و زووربه‌یا وان لده‌شتا مویسل ئه‌وا دكه‌ڤیته‌ ژوری و روژهه‌لاتا پارێزگه‌ها مویسل ، كو ناڤه‌ندا وێ باژێرێ نینوی یه‌ بدویراتیا 450 كیلومتران ژ ژووریا به‌غدایا پایته‌خت .

هه‌روه‌سا یونس بوو ده‌زگه‌هێن راگه‌هاندنێ دیاركر كو شه‌به‌ك دنه‌رازینه‌ كورسیه‌كا بێ لایه‌ن دپه‌رله‌مانێ عیراقێ دا و جڤاتا پارێزگه‌ها مویسل وه‌رگرن ، چونكی ئه‌و پارچه‌كا نه‌دابرینه‌ ژ ملله‌تێ كورد .