2008/11/04

گوڤارا مه‌تین دێ ناڤه‌رۆكا فه‌ستیڤالا بازیدی دپه‌رتۆكه‌كێ دا چاپكه‌ت

گۆڤارا "مه‌تین" یا ره‌وشه‌نبیری، ناڤه‌روكا فه‌ستیڤالا مه‌لا مه‌حموودێ بازیدی كو ل باژێرێ ل ده‌مێ دوو رۆژادا ب رێڤه‌چوو، د په‌رتوكه‌كێدا ب چاپ گه‌هینیت.

پشتی ب دوماهی هاتنا فه‌ستیڤالا مه‌لا مه‌حموودێ بازیدی ئه‌وا ژ لایێ وه‌زاره‌تا ره‌وشه‌نبیری یا هه‌رێما كوردستانێ ڤه‌ ب رێ یا رێڤه‌به‌ریا گشتی یا ره‌وشه‌نبیری و هونه‌ری یا دهۆكێ ل رۆژێن 30 مه‌ها تشرینا ئێكێ ل دهۆكێ گێرایی گوڤارا مه‌تین یا تایبه‌تمه‌ند ب ڤه‌كۆلین و بابه‌تێن ره‌وشه‌نبیری ڤه‌ بریار دا گشت سمینار و ڤه‌كۆلینێن فه‌ستیڤالا بازیدی دپه‌رتۆكه‌كێ دا چاپ كه‌ت، ئو ژی وه‌كه‌ ئه‌ركه‌ك بۆ پاراستنا ڤی سامانێ رۆشنبیری یێ گرنگ.

عادل حه‌سه‌ن رێڤه‌به‌رێ گشتی یێ رێڤه‌به‌ریا گشتی یا ره‌وشه‌نبیری و هونه‌ری ل دهۆكێ و سه‌رۆكێ لیژنا بلندا فه‌ستیڤالێ ب ئاژانسا په‌یامنێر راگه‌هاند كو 12 ڤه‌كۆلینێن گرنگ و بهادار كو ژ لایێ ئه‌ژماره‌كا ڤه‌كۆله‌ران ڤه‌ هاتینه‌ پێشكێش كرن دێ دپه‌رتۆكه‌كێ دا هێنه‌ چاپكرن و وه‌ك ده‌ست پێشخه‌ری ژ گوڤارا مه‌تین و ل به‌ره‌ دگه‌ل خرڤه‌بوونا ڤه‌كولینان ده‌ست ب تایپكرن و چاپكرنا وان دپه‌رتۆكه‌كێ دا بهێته‌ كرن.