ێڤی
سه‌روكێ هه‌رێما كوردستانێ دگه‌ل هێزو لایه‌نێن سیاسیێن هه‌رێمێ كومبوو
Untitled document

رێزدار مه‌سعود بارزانى سه‌روكێ هه‌رێما كوردستانێ ب به‌رهه‌ڤبوونا  دكتور به‌رهه‌م احمد سالح  سه‌روكێ حكومه‌تا هه‌رێمێ و  دكتور ئه‌رسه‌لان باییز جێگرێ سه‌روكێ په‌رله‌مانى و ئازاد به‌روارى  جێگرێ سه‌روكێ حكومه‌تێ دگه‌ل نوینه‌رێن هێز ولایه‌نێن سیاسیێن هه‌رێما كوردستانێ ( ئێَكه‌تى نیشتیمانى كوردستان و پارتى دیموكراتى كوردستان و بزاڤا گوران و ئێكگرتوو ئیسلامى و حزبا سوسیالیستا دیموكراتا كوردستانى و كومه‌لا ئیسلامى كوردستان و حزبا شیوعیا كوردستانى و حزبا زه‌حمه‌تكێشێن كوردستانێ )كومبوون
دكومبوونێ دا سه‌روك بارزانى زێده‌بارى ب خێَرهاتنا نوینه‌رێن هێزولایه‌نێن سیاسیێن هه‌رێما كوردستانێ كومبوون ب ده‌ستپێكه‌كا گرنگ وه‌سفكر بو ئاسایى كرنا وێ ره‌وشا كو ل ده‌ستپێكا ئه‌ڤ ساله‌ رویداى و دوپاتى لسه‌ر رێكخستنا په‌یوه‌ندیێن دناڤبه‌را وان هێز و لایه‌نان كر ب تایبه‌تى په‌یوه‌ندیێن دناڤبه‌را سه‌روكاتیا هه‌رێمێ و هێزو لایه‌نێن سیاسى دا
لدویڤدا دان و ستاندن لسه‌ر ته‌وه‌رێن كومبوونێ هاته‌ كرن كو پێك هاتبوون ژ ره‌وشا هه‌رێما كوردستانێ و حكومه‌تا عیراقا فیدرال و هنارتنا شانده‌كێ هه‌رێمێ بو به‌غدا و هه‌روه‌سا میكانزما كاركرنا نوێنه‌رێن لایه‌نێن سیاسیێن هه‌رێما كوردستانێ دچارچوڤێ دامه‌زراندنا جڤاتا بلندا پارتیێن سیاسى وئه‌نجامدانا كومبوونێن ده‌ورى قانونا كومسیونا سه‌ربه‌خویا هه‌لبژارتنان و قانونا هه‌لبژارتنان ل هه‌رێما كوردستانێ و ره‌وشا
ده‌ڤه‌رێ ب گشتى و كارێگه‌ریا وان لسه‌ر دوزا خه‌لكێ كوردستانێ ومانا هێزێن ئه‌مریكى ل عیراقێ
سه‌روك بارزانى سه‌باره‌ت ب ره‌وشا هه‌رێما كوردستانێ و حكومه‌تا فیدرال ئاماژه‌ ب كومبوونا خو دگه‌ل شاندێ هنارتیێ سه‌روك وه‌زیرێن عیراقا فیدرال و هه‌ڤپه‌یمانا نیشتیمانى كر و ئه‌نجامێن وێ كومبوونێ بو به‌رهه‌ڤبوویان به‌رچاڤكرن
ب پێگیر بوون ب دستور و فیدرالیه‌ت و شه‌راكه‌تا راست و دروست و بجه ئینانا مادێ 140 و ئه‌و رێكه‌فتنێن كو حكومه‌تا نوكه‌لسه‌ر دروست بوى و هه‌روه‌سا پێگیربوون ب هه‌ڤپه‌یمانیێ دگه‌ل هه‌ڤپه‌یمانیا كوردستانى و به‌رهه‌ڤیا وان بو چاره‌سه‌ركرنا وێ ره‌وشا نه‌ ئارام كو ل ڤێ دوماهیێ رویداین وئه‌م یێن ل هیڤیا وان سوزێن ب كریار بجه بینن و بو ڤێ مه‌ره‌مێ ژى ئه‌گه‌ر ب پێدڤى بزانن دێ شانده‌كێ ره‌وانه‌ى به‌غدا كه‌ین و كارێ وى شاندى ژى ئه‌و بیت كو به‌ره‌ڤانیێ ل پروسا دیموكراسى یا سه‌رجه‌م عیراقى بكه‌ت و چ پێكهاته‌كێ ژوێ پروسێ بێ به‌هر نه‌كه‌ت
سه‌باره‌ت هه‌لبژارتنێن جڤاتا پارێزگه‌هان ژى سه‌روك بارزانى دوپاتى كر كو پێدڤیه‌ له‌زكرنێ د ئه‌نجامدانا وان هه‌لبژارتنان بهێته‌ كرن و زێده‌تر پاش نه‌كه‌ڤن و هه‌ر كێشه‌كا لسه‌ر دامه‌زراندنا كومبوونێ كومسیونا سه‌به‌خویا هه‌لبژارتنێن هه‌رێما كوردستانێ ویاسایا هه‌لبژارتنان و هه‌لبژارتنێن جڤاتا پارێزگه‌هان هه‌ین ب ته‌وافق و دویر ژ به‌رژه‌وه‌ندیێن حزبى بهێنه‌ چاره‌سه‌ركرن هه‌روه‌سا ته‌ئكید لسه‌ر وێ چه‌ندێ كر كو

 
پێدڤى یه‌ سه‌قایه‌كێ وه‌سا ل هه‌رێما كوردستانێ دروست ببیت كو كه‌س نه‌شێت مفایى ژ چ كه‌م و كوریان وه‌ربگریت و فشارێ بێخیته‌ لسه‌ر هه‌رێمێ وه‌ك وان كاودانێن ل ڤێ دویماهیێ رویداین ، هه‌روه‌سا دامه‌زراندنا جڤاتا بلندا یا حزبێن سیاسى یێن كوردستانێ ب پێنگاڤه‌كا بلند سه‌نگاند بوێ چه‌ندێ كارێ هه‌ڤپشك تێدا بهێته‌ كرن و ئالوزى و ئاریشێن دناڤ لایه‌نێن سیاسى دا دناڤ وێ جڤاتێ دا بهێنه‌ چاره‌سه‌ركرن
نوینه‌رێن هێز ولایه‌نێن سیاسى دیتن و بوچوونێن خو سه‌باره‌ت وان بابه‌تان دیاركرن و ته‌ئكید لسه‌ر وێ چه‌ندێ كر كو سه‌روك بارزانى پێدڤى یه‌ مه‌رجه‌عه‌ك بیت بو وان بابه‌ت و بیاڤێن ل كوردستانێ دهێنه‌ رویدان و رولێ سه‌روك بارزانى بلند سه‌نگاند بو ئێمناهى كرنا كاودانێن ل كوردستانێ رویداین و بزاڤ و چالاكیێن جه‌نابێ وى كو بوینه‌ جهێ رازه‌مه‌ندیا هه‌مى لایه‌كى و هه‌ر هه‌مییان ته‌ئكید ل ئێك هه‌لویستى وئێك رێزیا خه‌لكێ كوردستانێ كر و ئاماژه‌ ب وێ ژه‌ندێ كر ئه‌گه‌ر دیتن و بوچوونێن جودا دناڤبه‌را هێز ولایه‌نێن سیاسى دا هه‌بن نابیت كارتێكرنێ لسه‌ر ئێك هه‌لویستى وئێك رێزیا ملله‌تى بكه‌ت و ب تایبه‌ت دئاستێ مه‌سه‌لێن چاره‌نڤیس سازدا و شاندێ ناڤبرى ده‌سنخوشى ل سه‌روك بارزانى كر ژ بو سه‌ره‌دانا جه‌نابێ وى بو خانه‌قین و گه‌رمیان و سلێمانیێ و ئه‌و كومبونێن دووقولى یێن دگه‌ل سه‌روك و لایه‌نێن ئوپوزسیونێ ئه‌نجام داین و دوپاتكر كو ئێكگرتنا سیاسى زه‌مانه‌ته‌كه‌ ب ب ده‌ستڤه‌ئینانا مافێنگه‌لێ كوردستانێ و لایه‌نێن ئوپوزسیونێ
یێن به‌رهه‌ڤبووى دكومبوونێ دا ته‌ئكید لسه‌ر وێ چه‌ندێ كر كو گه‌ف و ئاریشێن زور لسه‌ر هه‌رێمێ دروست بوینه‌ ژ بو ڤێ چه‌ندێ ئێك هه‌لویستى وباشترین تشت چاره‌سه‌ركرنا ئاریشێن نافخویه‌ ژ بو ڤێ چه‌ندێ ئه‌م وه‌ك ئوپوزسیون هاتینه‌ ڤێ كومبوونێ كو بجدى چاره‌سه‌ریا كاودانێن نوكه‌ بكه‌ین و ده‌ست ب كومبونێن خو بكه‌ینه‌ ڤه‌ ، راسته‌ دده‌ستهه‌لاتێ دا پشكدار نینین به‌لێ به‌رپرسیاره‌تیا دیروكى و نه‌ته‌وه‌یى لسه‌ر هه‌ر تشته‌كى یه‌ بو سه‌ر ئێخستنا ئه‌زمونا هه‌رێما كوردستانێ
ئه‌ڤه‌ و ل دویماهیا كومبوونێ دا بریار لسه‌ر هنارتنا شانده‌كێ هه‌رێما كوردستانێ بو به‌غدا هاته‌ دان سه‌باره‌ت ب دامه‌زراندنا جڤاتا بلندا حزبێن سیاسى یێن هه‌رێما كوردستانێ ب پێدڤى هاته‌ زانین كو دیراسه‌ت لسه‌ر بهێته‌ دانان و دكومبوونا بهێت دا بریار لسه‌ر بهێته‌ دان

2011-09-25
1878
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid