ێڤی
دهوك: به‌رپرسێ لقێ ئێكێ پارتى پێشوازیا شانده‌كێ (ى.ق.ك) دكه‌ت
Untitled document

عبدالخالق بابیرى به‌رپرسێ لقێ پێشوازیا عیرفان عه‌زیز سكرتێرێ ئێكه‌تیا قوتابیێن كوردستانێ ب سه‌روكاتیا شانده‌كى كر.
درینشتنه‌كێ دا به‌حسێ ره‌وشا خاندنێ و سیسته‌مێ په‌روه‌ردێ و گیروفتێن قوتابیان د سالا نوى یا خاندنێ دا كر و دڤى بیاڤى دا سكرتێرێ قوتابیان روناهى به‌ردانه‌ به‌رنامه‌ و پلانا ئێكه‌تیا ناڤبرى بو خزمه‌تكرنا تویژا قوتابیان و چاره‌سه‌ركرنا گرفتێن وان و پشته‌ڤانیكرنا خاست و پێدڤیێن قوتابیان و دیار كر ژى دێ هه‌مى بزاڤا كه‌ین كو هه‌ماهه‌نگیێ دگه‌ل حكومه‌تا هه‌رێمێ باشتر لێ بكه‌ین بو وێ یه‌كێ دئه‌ڤ ساله‌ دا خزمه‌تێن باشتر پێشكێشى قوتابیێن كوردستانێ بكه‌ین.
ژلایێ خو ڤه‌ به‌رپرسێ لقێ ئێك ده‌ست خوشى پێشكێشى ئێكه‌تیا قوتابیان كر ژبو خه‌مخوریا وێ بو كارێ قوتابیان و وان ئاسانكاریێن پێشكێشى قوتابیان دكه‌ت و هه‌ر دیسان كار و چالاكیێن ئێكه‌تیا قوتابیان بلند هه‌لسه‌نگاندن و دیار كر ژى كو ئێكه‌تى قوتابیان دچارچوڤێ كارێ رێكخراوه‌ى دا خزمه‌ته‌كا مه‌زن پێشكێش دكه‌ت و كادرێن وێ ژى ب روحیه‌ته‌كا گه‌رم كار دكه‌ن له‌ورا ئه‌ڤرو چه‌ندین كادرێن وێ دناڤا سه‌ركردایه‌تیا پارتى و حكومه‌تا هه‌رێمێ دا كاردكه‌ن و پشته‌ڤانى و به‌رهه‌ڤیا لقێ ئێك بو هه‌ر پروژه‌كێ دخزمه‌تا ئێكه‌تیا قوتابیان دوپات كر .

2011-09-25
2104
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid