ێڤی
سه‌روكێ كوردستانێ وشانده‌كێ هنارتیێ سه‌روك وه‌زیرێن عیراقێ وهه‌ڤپه‌یمانیا نشتیمانى ره‌وشا سیاسى یا عیراقێ گه‌نگه‌شه‌كر
Untitled document

رێزدار مه‌سعود بارزانى سه‌روكێ هه‌رێما كوردستانێ پێشوازیا شانده‌كێ هنارتیێ سه‌روك وه‌زیرێن عیراقا فیدرال و هه‌ڤپه‌یمانیا نشتیمانى كو پێك هاتبوو ژ فه‌لح فه‌یاز شیره‌تكارێ ئاساییشا نشتیمانى و وه‌زیرێ ئاساییشا نشتیمانى ب وه‌كاله‌ت و سادق ئه‌لروكابى ئه‌ندامێ مه‌كته‌با سیاسى یا حزبا ده‌عوه‌ یا ئیسلامى و ئه‌ندامێ جڤاتا نوینه‌رێن عیراقێ .
د روینشتنه‌كێدا زێده‌بارى رێز و حورمه‌تان شانه‌ێ ناڤبرى رولێ ره‌وسك بازانى د پروسێسا سیاسى یا عیراقێ دا بلند سه‌نگاند و راگه‌هاند كو سه‌روك بارزانى كه‌سایه‌تیه‌كێ نشتیمانى یه‌ و ژ خێزانه‌كا خه‌باتكه‌ره‌ و ئه‌و رولێ خویێ نشتیمانى كو د دیروكا عیراقا نوى دیار كرى جهێ رێز و پێزانینێن هه‌مى لایه‌نێن ساسیى یێن عیراقێ یه‌ و ب تایبه‌تى ژلایێ هه‌ڤپه‌یمانیا نشتیمانى ڤه‌ .
هه‌ر دوێ روینشتنێدا به‌حسێ په‌یوه‌ندیێن دیروكى دناڤبه‌را هه‌ردوو لا دا هاته‌ كرن و دووپاتى ل سه‌ر پێگیر بوون ب دستور و وان رێككه‌فتان كر كو بووینه‌ ئه‌گه‌رێ پێك ئینانا حكومه‌تا نوكه‌ و زور ب هویرى به‌حسێ وان كێشێن ڤێ دویماهیێ كر .
سه‌روك بارزانى سوپاسیا هاتنا شاندێ ناڤبرى كر و دووپاتى ل سه‌ر هندێ كر كو پێدڤیه‌ هه‌مى لایه‌ك یێ هه‌ڤكار بیت بو پێشڤه‌برنا پروسێسا سیاسى  و پروسێسا دیموكراسى ژى به‌رفره‌ه لێ بهێته‌ كرن و دڤى بیاڤى دا ئاماژى ب هندێ كر كو  پێگیر بوون ب دیموكراسیه‌تێ گرنگیا خویا هه‌ى و مه‌رجه‌
ژى بو هندێ هه‌مى پێكهاتان مافێن خو هه‌بن د عیراقه‌كا دیموكراتى دا , هه‌ژى گوتنێ یه‌ هه‌ردوو لا ئێك بیر و بوچوون ل سه‌ر باشتر كرنا په‌یوه‌ندیان هه‌بوو بو هندێ ل ده‌مێ رویدانا هه‌ر كێشه‌كێ ب زویترین ده‌م بهێته‌ چاره‌سه‌ركرن .

2011-09-24
2134
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid