ێڤی
ب سه‌رپه‌رشتیا جه‌نابێ سه‌روك بارزانى كومبوونا ئاسایى یا جڤاتا سه‌ركردایه‌تیا پارتى دیموكراتى كوردستان هاته‌ گرێدان
Untitled document

پشتى ده‌قیقه‌كا راوه‌ستیانێ بو رێزگرتنێ ژ گیانێ پاقژێ شه‌هیدان و سه‌روه‌رێ وان بارزانیێ نه‌مر و كاك ئدریسێ جوانه‌مه‌رگ و هنارتنا سلاڤان بو گیانێ پاقژێ هه‌ڤالێ خه‌باتكه‌ر محمد هه‌ركى ئه‌ندامێ جڤاتا سه‌ركردایه‌تیێ كو ب خه‌مه‌كا مه‌زن ڤه‌ ژ نشكه‌كێ ڤه‌ دلێ وى راوه‌ستیا و وه‌غه‌ركر .
ل ده‌ستپێكێ سه‌باره‌ت ب ره‌وشا ناڤخو یا هه‌رێما كوردستانێ گه‌نگه‌شه‌ هاته‌ كرن و بزاڤێن جه‌نابێ سه‌روك بارزانى بو رێكخستنا ناڤ مالا كوردستانى و نه‌هێلانا ئاسته‌نگان به‌رامبه‌ر به‌رده‌وامى ل سه‌ر دان و ستاندنێن پێنج قولى ب ده‌ركه‌فتنا 4 بریارێن گرنگ سه‌باره‌ت ب وان كێشان و دان و ستاندن ل سه‌ر راوه‌ستیان بوون .
هه‌روه‌سا چاڤپێكه‌فتنێن جه‌نابێ سه‌روكى دگه‌ل سه‌ركردێن ئوپوزسیونێ كو بوویه‌ ئه‌گه‌رێ ژناڤچوونا وى دیوارێ ده‌رونى یێ دروست بووى .
سه‌ره‌دانا جه‌نابێ سه‌روكى بو ده‌ڤه‌رێن جودا ب گشتى و گه‌رمیان ب تایبه‌تى بلند هاته‌ سه‌نگاندن كو دێ كاریگه‌ریه‌كا ئه‌رێنى هه‌بیت و ئێك هه‌لویستیا كوردستانێ به‌رامبه‌ر وان هه‌مى پیلانان كو دژى به‌رژه‌وه‌ندیێن نه‌ته‌وه‌یى و نشتیمانى دا هه‌نه‌ .
 ته‌وه‌رێ دووێ دا به‌حسێ كاودان و ره‌وشا په‌یوه‌ندیێن پارتى دگه‌ل وه‌لاتێن ده‌ور و به‌ر و ئه‌و رویدانێن ل سه‌ر سنورێن هه‌ڤپشكێن كوردستانێ دگه‌ل كومارا ئیسلامى یا ئیرانێ و توركیا رویدده‌ن كو ب مخابنى ڤه‌ د ئه‌نجام دا هژماره‌كا وه‌لاتیان زیان گه‌هشتینێ ب شه‌هید و بریندار بوون و زیانێن مالى و پشتى بزاڤێن هه‌مى لایه‌نان ل كوردستانێ ئه‌و بزاڤێن گه‌هشتینێ ئه‌نجامه‌كى بو ته‌ناكرنا وێ ره‌وشێ و ئه‌م دگه‌ل چاره‌سه‌ركرنا ئاشتیانه‌ یا كێشان دایه‌نه‌ .
ته‌وه‌رێ سیێ : سه‌باره‌ت ب به‌رژه‌وه‌ندیێن هه‌رێما كوردستانێ د گه‌ل حكومه‌تا فیدرال ب گشتى و سه‌روكێ جڤاتا وه‌زیران ب تایبه‌تى هاته‌ گه‌نگه‌شه‌كرن و سه‌مت و ره‌وتێ برێڤه‌برنا عیراقا فیدرال یا گونجایى نینه‌ دگه‌ل دستورێ عیراقێ و تاك ره‌وى و پشتى گوه ئێخستنا كه‌س و لایه‌نێن سیاسى و پشتى گوه هاڤێشتنا مادێن دستورى و رێككه‌فتنێن دناڤبه‌را لایه‌نێن سیاسى ب ئاشكه‌را هه‌ست پێ دهێته‌ كرن ژبه‌ر هندێ یا ل ده‌ف مه‌ گرنگ سیسته‌مێ دیموكراسى ل عیراقا نوى دا بهێته‌ بنه‌جه كرن و ئه‌و خالێن ل سه‌ر رێككه‌فتن سه‌باره‌ت ب په‌یوه‌ندى و ده‌ستهه‌لاتێن حكومه‌تا هه‌رێمێ و حكومه‌تا فیدرال ب هه‌ڤپشكى دگه‌ل لایه‌نێن دى یێن كوردستانێ ب ده‌ستڤه‌ بهێن , پشته‌ڤانیا بزاڤێن سه‌روكێ هه‌رێما كوردستانێ و حكومه‌تا هه‌رێمێ دكه‌ین بو چاره‌سه‌ركرنا وێ ره‌وشا هاتیه‌ پێش و دڤێت هه‌مى لایه‌ك یێ پێگیر بیت ب دامه‌زرادنا دام و ده‌زگه‌هان ل دویڤ دستورى و به‌رچاف وه‌رگرتنا پرانسیپێن دیموكراسیه‌تێ و موكمكرنا بزاڤان بو دیموكراتیكرنا بیاڤێن جودا یێن ژیانا جڤاكێ عیراقێ و د ئاستێ پێشكه‌فتن ژ هه‌مى لایه‌كى ڤه‌ و تێگه‌هشتنا نوكه‌ یا مروڤان دابیت و دامه‌زراندنا عیراقێ ب ره‌نگه‌كى و سیسته‌مه‌كێ هه‌ڤچه‌رخ كو هه‌مى پێكهات درویێ نه‌ته‌وه‌یى و ئایینى و مه‌زهه‌بى و سیاسى تێدا ب سه‌به‌رستى و سه‌رفه‌رازى بژین و درێڤه‌برن و پێكئێخستنا وه‌لاتى دا د پشكداربن .
د ته‌وه‌ره‌كێ دى دا به‌حسێ هه‌ڤپه‌یمانیا پارتیا مه‌ و ئێكه‌تى نشتیمانى هاته‌ كرن وه‌كو پێدڤى قوناغا نوكه‌ یا كوردستانێ و به‌رده‌وامیا هه‌ڤ هه‌لویستێ ته‌ئكید ل سه‌ر هاته‌ كرن , هه‌روه‌سا په‌یوه‌ندیێن دوستێن مه‌ دگه‌ل هه‌مى لایه‌نێن سیاسى یێن كوردستانێ ب لایه‌نێن پشكدار د حكومه‌تێ و ئوپوزسیونێ ژى ڤه‌ ب باشى هه‌لسه‌نگاندن د دویماهیك ته‌وه‌ر دا دان و ستاندنێن تێر و ته‌سه‌ل ل سه‌ر ره‌وشا ناڤخو یا پارتیا مه‌ هاته‌ كرن هه‌ر دڤى ته‌وه‌رى دا ئه‌و ڤالاهیێن كو ب كوڤان ڤه‌ ژ ئه‌نجامێ وه‌غه‌ركرنا هه‌ڤال محه‌مه‌د هه‌ركى د جڤاتا سه‌ركردایه‌تیێ دا دروست بووى بریار دا ئه‌ندامێ یه‌ده‌كێ ئێكێ جهێ وى بگریت .

جڤاتا سه‌ركردایه‌تیا پاتى دیموكراتى كوردستان
24/9/2011

2011-09-24
2082
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid