ێڤی
مام جه‌لال گوتاره‌ك به‌رامبه‌ر كومه‌لا نه‌ته‌وه‌یێن ئێكگرتى پێشكێشكر
Untitled document

 رێزدار جه‌لال تاله‌بانى سه‌روك كومارێ عیراقا فیدرال به‌رامبه‌ر كومه‌لا گشتى یا نه‌ته‌وێن ئێكگرتى د كومبوونا سالا نه‌یا كومه‌لا گشتى دا گوتارا عیراقێ پێشكێشكر و تێدا ئاماژه‌ ب ره‌وشا نوكه‌ یا عیراقێ دهه‌مى ئاستاندا كر.
د گوتارا خودا سه‌روك كومارێ عیراقێ گوت رویدانێن نوكه‌ یێن ده‌ڤه‌رێن عه‌ره‌ب راستیا وێ رێبازێ سه‌لماند كو یا ئه‌م په‌یره‌و دكه‌ین و ئه‌م د به‌رده‌وامین ژى ل سه‌ر .
هه‌روه‌سا سه‌باره‌ت ره‌وشا عیراقێ گووتى پێنگاڤه‌كا گرنك مه‌هاڤێت د پێكئینانا سیاسیا مه‌ دا ل سه‌ر بنه‌مایێن حكومه‌تا شه‌راكه‌تا نشتیمانى و عیراقێ بزاڤێن ڤه‌گه‌راندنا وان هێز و شیانان كو پترى سێ ده‌هانه‌ ژ ده‌ست دابوو ژ ئه‌گه‌رێ شه‌رێ ناڤخو و ژ ده‌رڤه‌ و ژبه‌ر وێ برینا ده‌وله‌تى یا تێدا دگه‌ل وان سزایێن كو ل سه‌ر هاتینه‌ سه‌پاندن زێده‌بارى وێ چه‌ندێ كو وه‌لاتێ مه‌ پشتى ژناڤچوونا رژێما به‌رێ كو ده‌زگه‌هێن ئێمناهیێ هاتنه‌ هه‌لوه‌شاندن و فیتنا تائیفى به‌رپابوو و چ نه‌مابوو پێكهاتا نشتیمانى دگه‌ل خودا نه‌مینیت و هه‌مى ئه‌و لایه‌نێن نیگه‌تیڤ مه‌ بوراندن و بوونه‌ پشكه‌ك ژ رابردووى و ئه‌و چه‌نده‌ ژى ب ئیرادا هێز و خوراگرتنێ و ب پشته‌ڤانیا كومه‌لا ده‌وله‌تى بده‌ستڤه‌هات .
د پشكه‌كا دى یا ئاخفتنا خودا تاله‌بانى گوت كوردستانا عیراقێ پێشڤه‌چوونه‌كا مه‌زن بخوڤه‌ دیتیه‌ د بیاڤێن ئاڤه‌دانكرن وئابوورى و ره‌وشه‌نبیرى و لایه‌نێن دى و هزاران گوند هاتنه‌ ئاڤاكرن كو ژلایێ رژێما دیكتاتور ڤه‌ هاتبوونه‌ وێران و كاڤلكرن .
ل دویماهیا ئه‌ڤ ساله‌ژى دا ل دویڤ رێككه‌فتنا دناڤبه‌را هه‌ردوو وه‌لاتان كو ل سالا 2008 هاتیه‌ ئیمزا كرن له‌شكرێ ئه‌مریكا دێ ژ عیراقێ هێته‌ ڤه‌كێشان و هێزێن ئێمناهیێ ژى د سالا 2011 دا شیانێن مه‌زن نیشاندان كو شیان تیرورستان ژناڤ ببه‌ن و ئارامى و ئێمناهیێ په‌یدا بكه‌ن و شیان هه‌نه‌ وێ ڤالاهیا هێزێن ئه‌مریكى تژى بكه‌ن بشتى ڤه‌كێشانا وان ل دویماهیا ئه‌ڤ ساله‌ .

2011-09-24
2044
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid