ێڤی
زانكویا دهوك پركرنا فورمێن زانكو لاین بو قوتابییان شروڤه‌دكه‌ت
Untitled document

 ل هولا خانى ل سه‌روكاتیا زانكویا دهوكێ د روینشتنه‌كا به‌رفره‌ه دا توماركرنا زانكویێ به‌رده‌وامى دا شروڤه‌كرنا پركرنا فورما زانكو لاین بو قوتابیێن پولا (12) ێ ده‌ربازكرى .
ماموستا وه‌لید میكائیل رێڤه‌به‌رێ توماركرنا گشتى یا زانكویا دهوك دوێ روینشتێ دا ب درێژى به‌حسێ سیسته‌مێ ئه‌ڤ ساله‌ یێ وه‌رگرتنا قوتابییان ل زانكو و په‌یمانگه‌هێن هه‌رێما كوردستانێ كر و چاوانیا داگرتنا فورما زانكو لاین ب رێكا داتا شویێ بو قوتابیان شروڤه‌كر .
وه‌لید میكائیل ئاشكرا ژى كر كو پێشكێشكرن بو زانكو و په‌یمانگه‌هان ل هه‌رێمێ هه‌تا روژا 4/10/2011 دێ یا به‌ده‌وام بیت و ژ به‌ر كو قوتابى گه‌له‌ك شاشیان د پركرنا فورمان دا دكه‌ن تومارا زانكو یا دهوك ل هه‌ر قه‌زایه‌كا سه‌ر ب پارێزگه‌ها دهوك ڤه‌ بنگه‌هه‌كێ پركرنا فورما بو قوتابیان دانایه‌ و ل دهوكێ ژى سێ بنگه‌ه هاتینه‌ ته‌رخانكرن .
هه‌روه‌سا ناڤبرى دیار ژى كر كو بنگه‌هێ كومپیوته‌رى ل زانكویا دهوك هه‌تا ده‌مژمێر ( 7 ) ى ئێڤارى دێ پێشوازیا وان قوتابیان كه‌ت ئه‌وێن نزانن فورمێن خوداگرن یان پرسیاره‌ك هه‌بیت ل دور چاوانیا پركرنا فرومێ و شیره‌ت ژى ل قوتابییان كرن كو ب شاره‌زایى ڤێ فورمێ پر بكه‌ن چونكه‌ یا گرێدایى چاره‌نیسێ وانه‌ و مزگینى هندێ ژى دا قوتابییان كو هندێ ده‌مێ پێشكێشكرنا فورمان بیت دێ روژانه‌ روینشتن دگه‌ل قوتابییان هه‌بن .

2011-09-24
2199
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid