تێله‌ڤزیونا دهوك
ئه‌ڤرو ل سه‌لاحه‌ددین رێزدار مه‌سعود بارزانى سه‌روكێ هه‌رێما كوردستانێ پێشوازى ل هادى عامرى ئه‌میندارێ گشتى یێ رێكخراوا به‌در و فه‌رماندێ هێزێن حه‌شدا شه‌عبى ل عیراقێ و شاندێ دگه‌لدا كر.
د دیدارێ دا ره‌وشا مه‌یدانى یا به‌روكێن روى ب روى بوونا شه‌رێ تیرورستان ل پارێزگه‌هێن ئه‌نبار و سه‌لاحه‌ددین و دیالا و جهێن دى گه‌نگه‌شه‌كر و هه‌ر دوو لایان دووپاتى ل وێ چه‌ندێ كر كو پێدڤییه ژناڤبرنا تیرورستێن داعش كارێ ده‌سپێكێ یێ هه‌مى لایه‌كێ بیت.
هه‌ر دڤێ كومبوونێ دا ره‌وشا سیاسى یا عیراقێ و دوماهیك پێشهات و گوهورین به‌حسكرن و گه‌نگه‌شه‌كرن.
