ێڤی
ب سه‌رپه‌رشتیا سه‌روك بارزانى جڤاتا سه‌ركردایه‌تیا پارتى دیموكراتى كوردستان كومبوو

 ئه‌ڤرو ب سه‌رپه‌رشتیا سه‌روك بارزانى جڤاتا سه‌ركردایه‌تیا پارتى دیموكراتى كوردستان سه‌باره‌ت بریارێن جه‌نابێ سه‌روك بارزانى لدور پروسێسا چاكسازیێ كوم بوو  پشتى كومبوونێ راگه‌هاندنه‌ك به‌لاڤكر .
ئه‌ڤه‌ ژى ده‌قێ راگه‌هاندنا جڤاتا سه‌ركردایه‌تیا پارتى دیموكراتى كوردستانه‌:ب سه‌رپه‌رشتیا جه‌نابێ سه‌روك بارزانى كومبوونا نه‌ئاسایى یا به‌رفره‌ها جڤاتا سه‌ركردایه‌تیا پارتا مه‌ هاته‌ ئه‌نجام دان و چه‌ندین ته‌وه‌ر و گه‌نگه‌شه‌ ل سه‌ر هاتنه‌ كرن و بریارێن پێدڤى دڤى بیاڤى دا هاتنه‌ دان .ل ده‌ستپێكا كومبوونێ به‌حسێ سه‌ره‌دانا سه‌ركه‌فتى یا سه‌روك بارزانى بو وه‌لاتێ ئه‌لمانیا و پشكداریا جه‌نابێ وى د كونفرانسێ ئاساییشا جیهانى ل میونخ هاته‌ كرن و ئه‌نجامێن وێ ب باشى هاتنه‌ هه‌لسه‌نگاندن .د ته‌وه‌ره‌كێ دى دا گه‌نگه‌شه‌ ل سه‌ر ره‌وشا ده‌ڤه‌رێ و عیراقێ ب گشتى و نافخویا كوردستانێ ب تایبه‌تى هاته‌ كرن و ئه‌گه‌ر وپێشهات كه‌فتنه‌ به‌ر به‌حس و ڤه‌كولینێ و به‌حسێ پێنگاڤێن پێدڤى هاتنه‌ كرن بو خوئاماده‌كرنێ كو ل ئاستێ وان ئه‌گه‌ر و رویدانان بن .هه‌روه‌سا د كومبوونێ دا بابه‌تێن نافخویا پارتا مه‌ و چه‌ندین گورانكارێن پێدڤى هاتنه‌ به‌حسكرن و پشكه‌ك ژێ ڤه‌كولین ل سه‌ر هاته‌ كرن داكو د دده‌مه‌كێ نێزیك دا بهێنه‌ بجه ئینان .دویماهیك ته‌وه‌رێ كومبوونێ سه‌باره‌ت بریارێن جه‌نابێ سه‌روك بارزانى لدور پروسێسا چاكسازیێ چ لسه‌ر ئاستێ حكومه‌تا هه‌رێمێ و چ ل ئاستێ نافخو یا حزبى دا هاتنه‌ گه‌نگه‌شه‌كرن و دووباره‌ پشته‌ڤانى و ئاماده‌یا خو بو وان بریار و میكانیزمێن گونجایى سه‌باره‌ت پێنگاڤان ده‌ربرى .ل دویماهیا كومبوونێ رولێ پێشمه‌رگێ چه‌له‌نگێ كوردستانێ بلند سه‌نگاند و سلاڤ بو كه‌س و كارێن شه‌هیدێن سه‌ربلندێن كوردستانێ هنارتن .
جڤاتا سه‌ركردایه‌تیا پارتى دیموكراتى كوردستان
بیست و حه‌فتى شوپاتێ دووهزار و شازده‌

2016-02-27
2120
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid