ێڤی
پارێزگه‌رێ دهوكێ دگه‌ل كه‌رتێ په‌روه‌ردێ كومبوو

بو دیاركرنا  نویترین پێشهاتێن  سیاسى ودارایى وقه‌یرانێن ب سه‌ر هه‌رێمێ دا هاتین تایبه‌تى قه‌یرانا گیروبونا موچه‌یان  وهه‌ولێن حكومه‌تا كوردستانێ بو دیتنا رێكێن چاره‌سه‌ركرنێ ئه‌ڤرو ل هولا كونگره‌یان فه‌رهاد ئه‌مین ئه‌تروشى پارێزگه‌رێ دهوكێ كومبونه‌ك دگه‌ل سه‌رپه‌رشت ورێڤه‌به‌رێن قوتابخانان وكارمه‌ندێن په‌روه‌ردێ ل سنورێ قه‌زا دهوكێ سازكر.
دكومبونێدا ل به‌راهیێ عبد یوسف رێڤه‌به‌رێ گشتى یێ په‌روه‌ردێ  ل پارێزگه‌ها دهوكێ په‌یڤه‌ك پێشكێشكر وب خێرهاتنا پارێزگه‌رێ دهوكێ وهه‌موو به‌رهه‌ڤبویان كر وخوشحالیا ب كومبونێ دیاركر وته‌كه‌زكر كو ماموستا وكارمه‌ندێن په‌روه‌ردێ  دێ به‌رده‌وام بن ل سه‌ر پروسا په‌روره‌دێ  وخزمه‌تكرنا قوتابییان سه‌ره‌رایى هه‌بونا قه‌یرانان.
پاش پارێزگه‌رێ دهوكێ بناڤێ خو وحكومه‌تا هه‌رێما كوردستانێ سوپاسی وده‌ست خوشى ل هه‌موو سه‌رپه‌رشت ورێڤه‌به‌ر وماموستا وكارمه‌ندێن په‌روره‌دێ ل پارێزگه‌هێ كر هه‌مبه‌ر به‌رده‌وامیا ل سه‌ر پروسا  خاندنێ  و چه‌ند رونكرن دانه‌ سه‌ر سه‌روبه‌رێ سیاسى ودارایى  ل  كوردستانێ وبرینا بودجا هه‌رێمێ ژلایێ حكومه‌تا عیراقێ وكارتێكرنا شه‌ر داعش ل سه‌ر هه‌رێمێ وهاتنا ژماره‌كا زور یا ئاوارا  وداكه‌تنا بهایێن فروتنا پترولێ  ونه‌بونا پلانه‌كا رێكخستى  ئه‌ڤه‌ هه‌موو هوكار  كو قه‌یرانا دارایى په‌یدا ببیت وگوت : ئه‌ڤ هه‌موو قه‌یرانه‌  پێكڤه‌ دگرێداینه‌ وهه‌موویان كارتێكرنه‌كا راسته‌وخو یا ل سه‌ر هه‌رێمێ كرى وژئه‌نجامێ وان قه‌یرانا  گیروبونا موچا په‌یدابویه‌ وئاماژه‌ دا هه‌ولێن حكومه‌تا كوردستانێ بو چاره‌سه‌ركرنا وان قه‌یرانان وگوت دڤێت ئه‌م هه‌موو بهێن فره‌ه وخوراگربین دا ژڤان قه‌یرانا ده‌ربازببین هه‌روه‌سا گوت: كێم وكاسى هه‌نه‌ لێ ره‌وشا نوكه‌ گه‌له‌ك باشتره‌ ژره‌وشا سالێن نوتان وپێدڤییه‌ هه‌موو دهاریكاربن هه‌تا ئه‌ڤ ره‌وشه‌ دهێته‌ گوهورین ودوماهى ب قه‌یرانان  بهێت .
پاش ده‌رگه‌هێ دان وستاندنێ هاته‌ ڤه‌كرن وبه‌رهه‌ڤبویا چه‌ند پسیار ئاراسته‌ى پارێزگه‌رێ دهوكێ كرن وبه‌رسڤ ل سه‌ر هاته‌ دان .

2016-02-17
2158
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid