ێڤی
به‌رپرسێ لقێ ئێكێ پارتى سمیناره‌ك بو قوتابیێن سنورى لقێ زانكو یێ قوتابیان پێشكێشكر

بو ساخكرنا بیره‌وه‌ریا هه‌ژده‌یى شوباتێ سال روژا دامه‌زراندنا ئێكه‌تیا قوتابیێن كوردستانێ و بورینا شێست وسێ سالان ل سه‌ر ژیێ وێ, ئه‌ڤرو ل سه‌نته‌رێ ره‌وشه‌نبیرى یێ قوتابیان ل زانكویا دهوك عبدالخالق بابیرى به‌رپرسێ لقێ ئێك سمیناره‌ك بو قوتابیێن سنورێ لقێ زانكو وپه‌یمانگه‌هێن دهوكێ یا ئێكه‌تیا قوتابیێن كوردستانێ پێشكێشكر.
لد ده‌ستپێكا  سمینارا خودا بابیرى ب ناڤێ لقێ ئێكێ پارتى گه‌رمترین پیروزباهى ل سه‌رجه‌م قوتابیێن كوردستانێ كرن ب هه‌لكه‌فتا هه‌ژده‌یى شوباتێ و سال روژا دامه‌زراندنا رێكخراوا ئێكه‌تیا قوتابیێن كوردستانێ, و دیاركر هه‌ژده‌یى شوباتێ ده‌ستكه‌فته‌كێ زێرین و مه‌زن بو وبه‌رهه‌مێ بارزانیێ نه‌مره‌.هه‌روه‌سا به‌رپرسێ لقێ خه‌بات و ماندیبونا كادر و ئه‌ندامێن رێكخراوا ناڤبرى د چه‌ند ته‌وه‌ره‌كان دا به‌حس كرن و دیاركر ئێكه‌تیا قوتابیان قوتابخانا پێگه‌هاندنا كادرانه‌ دبیاڤێن سیاسى و نه‌ته‌وه‌یى و نشتیمانپه‌روه‌رى دا و ب ده‌هان سه‌ركرده‌ و مه‌زنه‌ به‌رپرسێن حزبى و حكومى ده‌رچوویێن ڤێ قوتابخانێ نه‌.هه‌روه‌سا بابیرى د ته‌وه‌ره‌كێ دیێ  سمینارا خودا چه‌ند رونكرن به‌ردانه‌ سه‌ر ره‌وشا سیاسى و ئابورى وئاسایشا ده‌ڤه‌را روژهه‌لاتا ناڤه‌راست ب گشتى و ب هه‌رێما كوردستانێ ب تایبه‌تى, هه‌روه‌سا و نویترین پێشهاتێن سیاسى و جوگرافى  بو قوتابیێن زانكویێ دانه‌ دیاركرن.پاشان بابیرى ته‌كه‌ز ل سه‌ر ئێك ده‌نگى و ئێك هه‌لویستیا هه‌مى پارت و لایه‌نێن سیاسى كر ل هه‌رێما كوردستانێ نه‌ خا سمه‌ دڤان كاودانان دا. ودیاركر نێزیك بونا گهورینا جیوپولیتیكا ده‌ڤه‌را روژهه‌لاتا ناڤه‌راست  ده‌لیڤه‌كا زێرینه‌ بو دروستكرنا ده‌وله‌ته‌كا كوردى ل هه‌رێما كوردستانێ و گه‌هشتن و ب مافێن خویێن سروشتى و نه‌ته‌وه‌یى له‌ومان دڤێت ئه‌م هه‌مى بێ دوو دلى مفاى ژڤێ ده‌لیڤێ ببینین و بگه‌هینه‌ قوناغا ئازادى و سه‌ربه‌خوییێ.

2016-02-16
2202
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid