ێڤی
پارێزگه‌رێ دهوكێ دگه‌ل كارمه‌ندێن ساخله‌میێ كومبو

بو شروڤه‌كرنا ره‌وشا سیاسى ودارایى وقه‌یرانێن ب سه‌ر هه‌رێمێ دا هاتین تایبه‌تى قه‌یرانا گیروبونا موچه‌یان  وهه‌ولێن حكومه‌تا كوردستانێ بو دیتنا رێكێن چاره‌سه‌ركرنێ ئه‌ڤرو ل هولا كونگره‌یان به‌رێز فه‌رهاد ئه‌مین ئه‌تروشى پارێزگه‌رێ دهوكێ كومبونه‌ك دگه‌ل نوشدار وكارمه‌ند وسه‌ندیكایێن ته‌ندورستى ل سنورێ پارێزگه‌ها دهوكێ سازكر.
دكومبونێدا ل به‌راهیێ رێڤه‌به‌رێ گشتى یێ ساخله‌میێ ل پارێزگه‌ها دهوكێ په‌یڤه‌ك پێشكێشكر وب خێرهاتنا پارێزگه‌رێ دهوكێ وهه‌موو به‌رهه‌ڤبویان كر وخوشحالیا ب كومبونێ دیاركر وته‌كه‌زكر كو كارمه‌ندێن ساخله‌میێ دێ به‌رده‌وام بن ل سه‌ر كار وخزمه‌تێ هه‌تا قه‌یران ب دوماهى دهێن .
پاش پارێزگه‌رێ دهوكێ بناڤێ خو وحكومه‌تا هه‌رێما كوردستانێ سوپاسی وده‌ست خوشى ل هه‌موو نوشدار وكارمه‌ندێن ساخله‌میێ ل پارێزگه‌هێ كر هه‌مبه‌ر ئه‌و خزمه‌تا به‌رده‌وام یا بو  ئاوره‌ وپه‌نابه‌ران وبو هێزێن پێشمه‌رگه‌ى ل به‌روكێن شه‌رى ول نه‌خوشخانا وبنگه‌هێن ته‌رندورستى بو وه‌لاتییان پێشكێشدكه‌ن سه‌ره‌رایى هه‌بونا چه‌ندین قه‌یرانان .
  پاش چه‌ند رونكرن دانه‌ سه‌ر سه‌روبه‌رێ سیاسى ودارایى  ل  كوردستانێ وبرینا بودجا هه‌رێمێ ژلایێ حكومه‌تا عیراقێ وداكه‌تنا بهایێن فروتنا پترولێ وقه‌یرانا گیروبونا موچه‌یان وكارتێكرنا شه‌ر داعش ل سه‌ر هه‌رێمێ وگوت ئه‌ڤ هه‌موو بابه‌ته‌ پێكڤه‌ دگرێداینه‌ وهه‌موویان كارتێكرنه‌كا راسته‌وخو یا ل سه‌ر هه‌رێمێ كرى وژئه‌نجامێ وان قه‌یرانا دارایى وگیروبونا موچا په‌یدابویه‌ وئاماژه‌ دا هه‌ولێن حكومه‌تا كوردستانێ بو چاره‌سه‌ركرنا وان قه‌یرانان وگوت دڤێت ئه‌م هه‌موو بهێن فره‌ه وخوراگربین دا ژڤان قه‌یرانا ده‌ربازببین هه‌روه‌سا گوت: كێم وكاسى هه‌نه‌ لێ ره‌وشا نوكه‌ گه‌له‌ك باشتره‌ ژره‌وشا سالێن نوتان وپێدڤییه‌ هه‌موو دهاریكاربن هه‌تا ئه‌ڤ ره‌وشه‌ دهێته‌ گوهورین ودوماهى ب قه‌یرانان  بهێت .
لدور كومبونێ  پارێزگه‌رێ دهوكێ بو ده‌زگه‌هێن راگه‌هاندنێ گوت(مه‌ره‌م ئه‌وبو ئه‌م سوپاسى ورێزلێنانێ ل نوشدار وهه‌موو كارمه‌ندێن ساخله‌میێ بكه‌ین كو هه‌تا نوكه‌ ئه‌و دبه‌رده‌وامن ل سه‌ركارێ خو وبێ راوستیان ئه‌ڤه‌ ژى بو مه‌ جهێ شانازڤى وسه‌ربلندیێ یه‌ ئه‌م بناڤێ كارگێریا پارێزگه‌هێ وهه‌ر حه‌فت قه‌زایان سوپاسی وده‌ست خوشیێ ل هه‌موو كارمه‌ندێن ته‌ندورستى دكه‌ین كو وان به‌رده‌وام خزمه‌تا خه‌لكێ پارێزگه‌هێ وئاواره‌ وبه‌نابه‌ر وپێشمه‌رگه‌ى كریه‌ ، هه‌روه‌سا مه‌ به‌حسێ قه‌یرانا سیاسى ودارایى ژى كریه‌ ژبو هندێ كارمه‌ندێن ساخله‌میێ هایدارى ڤان قه‌یرانان ببن چونكو موچه‌ وئابورى ودارایى وسیاسه‌ت هه‌موو پێكڤه‌ دگرێداینه‌ وپێدڤى یه‌ ئه‌م ژى وه‌كو كورد خو شاره‌زابكه‌ین بزانین چاوا دێ خو ژڤان قه‌یرانان ده‌ربازكه‌ین چونكو روژهه‌لاتا ناڤین یا به‌رف نه‌خشه‌كێ نوو دچیت وره‌نگه‌ سنور بهێنه‌ گوهورین وكیانێن سیاسى یێن نوو  دورست ببن ودڤێت ئه‌م ژى خو ئاماده‌كه‌ین  بو ڤان گوهورینان).

2016-02-16
2224
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid