ێڤی
كارگێریا پارێزگه‌ها دهوك گازا سپى ل سه‌ر وه‌لاتیان به‌لاف كر

 بو كێمكرنا كارتێكرنا قه‌یرانا دارایى وئابورى ل سه‌ر ژیانا وه‌لاتییان وفه‌رمانبه‌رێن كێم ده‌رامه‌ت لسه‌رانسه‌رى پارێزگه‌ها دهوكێ ئه‌ڤرو ل تاخێ نزارى ل باژێرێ دهوكێ  بوردێ كاروبارێن مروڤایه‌تى ل پارێزگه‌ها دهوكێ ب هه‌ڤكاریا رێكخراوا(LWF) ده‌ست ب به‌لافكرنا گازى سپى ل سه‌ر ژماره‌كا وه‌لاتیێن كێم ده‌رامه‌ت لناڤ سه‌نته‌رێ باژێرێ دهوكێ كر.
بریاره‌ گازا سپى ئانكو بو هه‌ر خێزانه‌كێ 200لیتر ل سه‌ر پتر ژ700خێزانا ل ناڤ سه‌نته‌رێ باژێرێ دهوكێ بهێنه‌ به‌لافكرن ،هه‌روه‌سا ل روژێن بهێت ژى گازا سپى ل سه‌ر پتر ژ(450) خێزان وفه‌رمانبه‌رێن كێم ده‌رامه‌ت ل قه‌زایێن زاخو وسێمێل وئاكرێ وبه‌رده‌ره‌ش وشێخان وئامێدیێ دێ هێته‌ به‌لافكرن .
ل دور به‌لافكرنا ڤان هاریكاریا اسماعیل محمد احمد هاریكارێ پارێزگه‌رى بو كاروبارێن مروڤایه‌تى گوت( مه‌ وه‌كو پارێزگه‌ها دهوكێ ڤیایه‌ كارتێكرنا  قه‌یرانێن دارایى وئابورى ل سه‌ر خه‌لكێ پارێزگه‌هێ سڤكه‌ین وب هه‌ڤكاریا رێكخراوێن مروڤایه‌تى ئه‌م شیاینه‌ گازا سپى ئانكو هه‌ر خێزانه‌كێ 200لیترا بو (3250) خێزانا دابینكه‌ین ، هه‌روه‌سا  مه‌ به‌رنامه‌ك ئاماده‌كریه‌ كو هاریكاریێن دراڤى ل سه‌ر (800) هه‌شت سه‌د ماموستایان به‌لافكه‌ین ول قوناغا بهێت دێ هاریكاریا ل سه‌ر پتر ژ(3000) سێ هزار خێزانێن كێم ده‌رامه‌ت وخودان پێدڤیێن تایبه‌ت به‌لافكه‌ین  ول قوناغا ل دوڤدا ب هاریكاریا هه‌یڤا سورا عیراقى دێ كه‌ل وپه‌لێن خارنێ ل سه‌ر هزار خێزانا به‌لافكه‌ین ول ئاینده‌كێ نێزیك دێ پێدڤیێن ناڤ مالێ ولێنانگه‌ها وه‌كو ته‌باخ وسوپا ل سه‌ر هنده‌ك وه‌لاتیێن دى به‌لافكه‌ین ئه‌م هه‌ولدانا دكه‌ین كو هاریكاریا هه‌موو خه‌لكێ پارێزگه‌هێ  بكه‌ین وكارتێكرنا قه‌یرانا دارایى ل سه‌ر وان سڤك كه‌ین).

2016-02-16
2192
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid