ێڤی
هێمن هه‌ورامى : پارتى ناهێلیت هه‌رێم ببیته‌ پشكه‌ك ژ ئالوزیێن ده‌ڤه‌رێ

هێمن هه‌ورامى به‌رپرسێ په‌یوه‌ندیێن ده‌رڤه‌ یێ پارتى دیموكراتى كوردستان پێشوازى ل ماسكى وه‌تانابى به‌رپرسێ نوى یێ نوینه‌راتیا نه‌ته‌وه‌یێن ئێكگرتى ل هه‌رێما كوردستانێ كر.د كومبوونێ دا هێمن هه‌ورامى دووپاتى لسه‌ر گرنگیا كار و چالاكیێن نه‌ته‌وه‌یێن ئێكگرتى ل هه‌رێما كوردستانێ كر بتایبه‌تى دڤى ده‌مێ نوكه‌ دا كو هه‌رێما كوردستانێ مێهڤانداریا نێزیكى دوو ملیون ئاوارێن عیراقێ و سوریێ دكه‌ت.هه‌ورامى ئاماژه‌ ب ره‌وشا نوكه‌ یا هه‌رێما كوردستانێ كر و ئاشكرا كر كو هه‌رێما كوردستانێ روى ب روى چه‌ندین قه‌یرانا بوویه‌ كو زێده‌ترن ژ ئیرادا وێ، و داخواز ژى ژ نه‌ته‌وه‌یێن ئێكگرتى كر كو هاریكارێن خه‌لكێ كوردستانێ و حكومه‌تا هه‌رێمێ بن بو ده‌ربازبوونێ ژ ڤێ قه‌یرانێ.هه‌روامى ئاماژه‌ ب وێ چه‌ندێ ژى دا كو نوكه‌ سیه و ئێك ژ سه‌دێ ئاكنجیێن هه‌رێما كوردستانێ ئه‌ون كو به‌رى بیست هه‌یڤا ژ ئه‌نجامێ شه‌رێ تیرورستێن داعش و شه‌رێ سوریێ و ئالوزیێن دى یێن ده‌ڤه‌رێ هاتینه‌ هه‌رێما كوردستانێ ، ژبه‌ر وێ چه‌ندێ داخوازا هاریكاریێن زێده‌تر یێن مروڤى وه‌ك پێدڤیێن ساخله‌میێ و په‌روه‌ردێ و پێدڤیێن روژانه‌ ژ نه‌ته‌وه‌یێن ئێكگرتى كر كو ئه‌ڤه‌ ژى دێ بارگرانیا سه‌ر ملێن حكومه‌تێ و ئاكنجیێن هه‌رێمێ كێم كه‌ت.هه‌ورامى ئاماژه‌ ژى ب ئالوزبوونا قه‌یرانا روژهه‌لاتا ناڤین و پێگه‌هێ هه‌رێما كوردستانێ  د هه‌ڤكێشان دا و ئاشكرا كر كو پارتى دیموكراتى كوردستان وه‌كو مه‌زنترین هێزا سیاسى ل هه‌رێمێ رێكێ ناده‌ت هه‌رێم و خه‌لكێ كوردستانێ ببنه‌ پشكه‌ك ژ وان ئالوزیان.ژلایێ خوڤه‌ مه‌ساكى وه‌تانابى به‌رپرسێ نوى یێ نوینه‌راتیا نه‌ته‌وه‌یێن ئێكگرتى ل هه‌رێما كوردستانێ ئاماژه‌ ب وێ چه‌ندێ دا كو خه‌لكێ كوردستانێ روى ب روى كومه‌كا ئالوزیان بویه‌ كو یا كێم وێنه‌یه‌ د دیروكا جیهانێ دا و ب خوشحالیڤه‌ حه‌تا نوكه‌ شیاینه‌ ب سه‌ركه‌فتیانه‌ ژڤان كێشان ده‌رباز ببن.مه‌ساكى وه‌تانابى بناڤێ نه‌ته‌وه‌یێن ئێكگرتى سوپاسیا خه‌لك و حكومه‌تاهه‌رێما كوردستانێ كر كو هه‌مى هاریكارى پێشكێشى ئاوارێن هه‌رێمێ كرینه‌ و ئاسانكارى بو رێكخراوێن ده‌وله‌تى كریه‌كو بساناهى بگه‌هنه‌ دناڤ ئاواراندا و ئاگه‌هدارێ ژیان و خزمه‌تگوزاریێن وان بن.مه‌ساكى ئاماژه‌ ب وێ چه‌ندێ ژى دا كو نه‌ته‌وه‌یێن ئێكگرتى ب باشى نه‌هامه‌تیێن خه‌لكێ كوردستانێ دگه‌هیت و خه‌مساریێ ب ڤى ئه‌ركێ گران ناكه‌ت كو كه‌فتیه‌ لسه‌ر ملێن خه‌لكێ كوردستانێ و حكومه‌تا هه‌رێمێ.

2016-02-15
2174
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid