ێڤی
وه‌زیرێ ده‌رڤه‌ یێ نه‌مسا : پێدڤییه‌ ههاریكاریا دارایى یا هه‌رێما كوردستانێ بهێته‌كرن

د چارچوڤێ كونفرانسێ ئاسایشا جیهانى ل میونخ سبستیان كورز وه‌زیرا ده‌رڤه‌ یا نه‌مسا سه‌باره‌ت قه‌یرانا دارایى یا هه‌رێما كوردستانێ و ره‌وشا سوریا و پرسا كوچبه‌ران راگه‌هاند، سه‌باره‌ت سوریێ گوت دیتنا چاره‌سه‌ریێ بو سوریێ گه‌له‌ك ده‌م پێدڤێت ، ئاگر به‌ست ژى ئومێدا ئێكێ یه‌ بو گه‌هشتن ب ڤێ چاره‌سه‌ریێ.
سه‌باره‌ت كوچبه‌ران ژى سبستیان كورز وه‌سا دبینیت ، چاره‌سه‌ریا قه‌یرانا سوریێ كوچكرنا خه‌لكى بو سوریێ ناراوستینیت ، چونكه‌ ئێك لسه‌ر سێ خه‌لكێ سوریێ نه‌.
وه‌زیرا ده‌رڤه‌ یا نه‌مسا ، كو ئێكه‌ ژ گه‌نجترین وه‌زیرێن وه‌لاتێن ئه‌وروپا و ژیێ وى بیست و نه‌ه ساله‌، گوت بو چاره‌سه‌ریا قه‌یرانا كوچكرنێ ،وه‌رگرتنا په‌نابه‌ران چاره‌سه‌ر نییه‌، به‌لكو پێدڤییه‌ هاریكاریا وان وه‌لاتان بهێته‌ كرن ئه‌وێن خه‌لكێ وان كوچ دكه‌ن.
سه‌باره‌ت قه‌یرانا دارایى یا هه‌رێما كوردستانێ، وه‌زیرا ده‌رڤه‌ یا نه‌مسا گوت پێدڤییه‌ هاریكاریا دارایى و ئابوورى یا هه‌رێما كوردستانێ بهێته‌ كرن و دڤى چارچوڤى ژى دا وه‌لاتێ مه‌ هاریكاریێن خو چار جاران زێده‌تر لێ كریه‌، به‌لێ پێدڤییه‌ وه‌لاتێن دى ژى هاریكاریێ بكه‌ن.

2016-02-15
2174
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid