ێڤی
فه‌رحان جه‌هوه‌ر ئه‌ندامێ په‌رله‌مانێ كوردستانێ : نابیت هه‌ر كه‌س ژ ده‌ف خو بریارا هه‌لوه‌شاندنا دام و ده‌زگه‌هێن حكومه‌تێ بده‌ت

فه‌رحان جه‌وهه‌ر, ئه‌ندامێ په‌رله‌مانێ كوردستانێ ژ لیستا پارتى راگه‌هاند, ئه‌م وه‌ك فراكسیونا پارتى بدیتنا مه‌ پێدڤیه‌ پێكڤه‌ كاركرن و رێككه‌فتنا لایه‌نان هه‌بیت, نابیت هه‌ر هێزه‌كا سیاسى ب به‌یاننامه‌كێ بریارێ ل سه‌ر هه‌لوه‌شاندنا دامه‌زراوێن كوردستانى َ بده‌ت, ژبه‌ركو ئه‌ڤان شه‌رعیه‌تا خه‌لكێ كوردستانێ یا هه‌ى و رێككه‌فتن دناڤبه‌را لایه‌نێن سیاسى دا هاتیه‌كرن هه‌تا كو ئه‌و ده‌ستبكارببن.
ناڤبرى دبێژیت: ئه‌گه‌ر هات و هه‌مى هێزێن سیاسى پێكڤه‌ رێككه‌فتنێ بو په‌رله‌مانى و حكومه‌تێ بكه‌ن هه‌تا ئه‌ڤ دوو ساله‌ بدویماهیك بهێن, هه‌تا وى ده‌مى كو رێككه‌فتنه‌كا نوى دناڤبه‌را لایه‌نان دا دهێته‌كرن.
گوت ژى: ئه‌و شه‌رێ پرۆژا یێ كو ئه‌ڤرۆ دناڤبه‌را لایه‌ناندا هه‌ى مه‌ ناگه‌هینیته‌ ئه‌نجامان, نابیت حزبه‌ك پرۆژه‌كێ پێشكێش بكه‌ت و بكه‌ته‌ فه‌وزا راگه‌هاندنێ و وه‌سا هزربكه‌ت ئه‌و سه‌ركێشا بنبڕكرنا گه‌نده‌لیێ یه‌, هه‌ر حزبه‌ك بتنێ هه‌ر تاكه‌ كه‌سه‌ك ژى دشێت پرۆژه‌كێ پێشكێش بكه‌ت, و لدویڤ دا ره‌وشا نوكه‌ یا هه‌رێمێ ژ وێ چه‌ندێ زێده‌تر هه‌لناگریت كو هه‌ر حزبه‌ك ژ پێخه‌مه‌ت به‌رژه‌وه‌ندیێن خو بازارگێریێن سیاسى بكه‌ت.

 

2016-02-15
2141
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid