ێڤی
جێگرا سه‌روكێ جڤاتا پارێزگه‌ها دهوكێ : كار لسه‌ر ناحیكرنا كومه‌لگه‌ها خانكێ دهێته‌ كرن

بێریڤان سه‌لیم شه‌مو جێگرا سه‌روكێ جڤاتا پارێزگه‌ها دهوكێ دیاركر كو جڤاتا باژێرڤانیا خانكێ ب فه‌رمى داخواز ژ جڤاتا پارێزگه‌هێ كریه‌ كو خانكێ ببیته‌ ناحیه‌ و گوت من ل سالا بورى داخوازیه‌ك پێشكێشى سه‌روكێ جڤاتێ كر كو لیژنه‌كێ بو دویڤچوونا كومه‌لگه‌ها خانكێ پێك بینیت ژبو بریاردانا ناحیكرنا خانكێ ، سه‌روكێ جڤاتێ ژى ژلایێ خوڤه‌ رازى بوو كو لیژنا خزمه‌تگوزاریان وى ئه‌ركى بجه بینیت.
كومه‌لگه‌ها خانكێ بیست و ئێك گوندان بخوڤه‌ دگریت و هژمارا ئاكنجیێن وێ بیست و چوار هزار كه‌سن و پێنج ژ سه‌دێ موسلمانن و رێژا دى ئێزدینه‌ و روبه‌رێ وێ سیه و سێ هزار و شه‌ش سه‌د دونه‌مێن ئه‌ردینه‌، و یازده‌ كیلومه‌تران یا دویره‌ ژ قه‌زا سێمێلێ و دكه‌ڤیته‌ ژێریا سێمێلێ.
بیریڤان شه‌مو دیار ژى كر كو پشتى دویڤچوون هاتیه‌ كرن وه‌سا دیار بوویه‌ كو هه‌ر ژ سالا دوو هزار و شه‌شێ وه‌ره‌ داخواز دهێته‌ كرن كو كومه‌لگه‌ها خانكێ ببیته‌ ناحیه‌ ، ژلایێ خوڤه‌ ئه‌كره‌م فه‌تاح ئه‌ندامێ جڤاتا پارێزگه‌ها دهوكێ ژ فراكسیونا پارتى دیموكراتى كوردستان دیاركر كو لدویف مه‌رجێن قانونى كومه‌لگه‌ها خانكێ ماف یێ هه‌ى ببیته‌ ناحیه‌، چونكه‌ نوكه‌ سه‌روكاتیا باژێرڤانیا پله‌ دوو و بنگه‌هێ ساخله‌میێ و بنگه‌هێ پولیسان و بنگه‌هێ پولیسێن ده‌ریا و ئاسایش و پوسته‌ و گه‌هاندن یێن لێ هه‌ین.

2016-02-15
2132
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid