ێڤی
دچارچوڤێ كونفرانسێ میونخ یێ ئیمناهیێ دا سه‌روك بارزانى دگه‌ل سه‌روكا كرواتیا كومبوو

رێزدار مه‌سعود بارزانى سه‌روكێ هه‌رێما كوردستانێ پێشوازى ل خاتین كولیندا گرابار كیتاروڤیچ سه‌روكا كرواتیا و شاندێ دگه‌لدا كر.
دڤێ كومبوونێ دا سه‌روكا كرواتیا په‌سنا هێزێن پێشمه‌رگه‌ى كر و پیروزباهى ل سه‌روك بارزانى كر ب هه‌لكه‌فتا سه‌ركه‌فتنێن هێزێن پێشمه‌رگه‌ى دژى تیرورستێن داعش، هه‌روه‌سا پشته‌ڤانیا وه‌لاتێ خو ژى بو هه‌رێما كوردستانێ دووپاتكر ل شه‌رێ دژى تیرورستێن داعش دا و ئاماژه‌ ب وێ چه‌ندێ دا كو تیرورستێن داعش مه‌ترسیه‌كا هه‌ڤپشكه‌ بو سه‌ر هه‌مى لایه‌كێ. ئاماژه‌ ژى ب وێ چه‌ندێ دا كو گه‌له‌ك ب باشى دێ دویڤچوونێ بو ره‌وشا هه‌رێما كوردستانێ كه‌ن و داخوازا سه‌ركه‌فتنێ بو خه‌لكێ كوردستانێ خواست.
سه‌روك بارزانى سوپاسیا خه‌لك و سه‌روكا كرواتیا كر كو پشته‌ڤانێ خه‌لكێ كوردستانێ نه‌ و پێشوازى كرنا به‌رفره‌هكرنا په‌یوه‌ندیێن دناڤبه‌را هه‌رێما كوردستانێ و وه‌لاتێ كرواتیا دا.
هه‌ر دڤێ كومبوونێ دا گه‌فا تیرورێ و ره‌وشا په‌نابه‌ران گه‌نگه‌شه‌كر و هه‌ردوولا لسه‌ر وێ چه‌ندێ دئێك بووچوون بوون كو پێدڤییه‌ كێشا په‌نابه‌ر و ئاواران ب بنه‌ره‌تى بهێته‌ چاره‌سه‌ركرن و ئه‌گه‌رێن كوچكرنێ و تیرورێ و هه‌ژاریێ و ره‌وشا نه‌باشا ئابوورى نه‌هێلن.
هه‌ر ئه‌ڤرو د چارچوڤێ كونفرانسێ ئاسایشا میونخ دا سه‌روك بارزانى دگه‌ل ئورسولا فون لاین وه‌زیرا به‌ره‌ڤانیا ئه‌لمانیا و شاندێ دگه‌لدا كومبوو.

2016-02-14
1916
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid