ێڤی
سه‌روك بارزانى : مافێ هه‌رێمێ یه‌ بریارێ ل راپرسیێ بده‌ت

فه‌لاح مسته‌فا راگه‌هاند د كونفرانسێ میونخ دا وه‌لاتان سوپاسیا هه‌رێما كوردستانێ كر بو ڤه‌حه‌واندنا ب سه‌دان هزار ئاواران، دهه‌مان ده‌مدا ئاگه‌هدارێ قه‌یرانا دارایى یا هه‌رێما كوردستانێ نه‌ و ژلایێ له‌شكرى و مروڤى و ئابوورى ڤه‌ كار دێ بو وێ چه‌ندێ كه‌ن هاریكاریا هه‌رێما كوردستانێ بكه‌ن.
فه‌لاح مسته‌فا گوت وه‌لاتان نه‌ڤێت ژ ئه‌گه‌رێ قه‌یرانا دارایى سه‌ركه‌فتنێن هێزێن پێشمه‌رگه‌ى به‌رامبه‌ر تیرورستێن داعش ژ ده‌ست بده‌ن، ژبه‌ر ڤێ چه‌ندێ سوزا دا زێده‌تر هاریكاریا هه‌رێما كوردستانێ بكه‌ن.
ناڤبرى ئاماژه‌ ب پرسا راپرسیا هه‌رێما كوردستانێ ل میونخ كر و گوت جه‌نابێ سه‌روك بارزانى ب وه‌لاتان راگه‌هاندیه‌ كو مافێ هه‌رێما كوردستانێ یه‌ بریارێ سه‌باره‌ت راپرسیێ بده‌ت و كه‌س نه‌شێت بریارێ لسه‌ر پاشه‌روژا هه‌رێما كوردستانێ بده‌ت.
ناڤبرى ئاماژه‌ ب وێ چه‌ندێ كر كو سه‌روكێ هه‌رێما كوردستانێ به‌حسێ برینا بودجێ هه‌رێما كوردستانێ ژلایێ حكومه‌تا عیراقێ و شه‌رى تیرورستێن داعش و هاتنا ئاوارا و قه‌یرانا دارایى بو سه‌روك و نوینه‌رێن وه‌لاتان كرو دبه‌رامبه‌ر دا وه‌لاتان سوز دا هاریكاریا هه‌رێما كوردستانێ بكه‌ن.

2016-02-14
1932
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid