ێڤی
سه‌باره‌ت جیوپولیتیكا نوى یا روژهه‌لاتا ناڤین ، سه‌روك بارزانى دێ گوتاره‌ك هه‌بیت د چارچوڤێ دكونفرانسێ میونخ یێ ئیمناهیێ دا ل ئه‌لمانیا

 ل دویڤ به‌رنامه‌ و خشتێ كونفرانسێ موێنشن بریاره‌ سه‌روكێ هه‌رێما كوردستانێ په‌یڤا خو ل سه‌ر جیوپولیتیكا نویا روژهه‌لاتا ناڤه‌راست پێشكێش بكه‌ت .
ل دویڤ به‌رنامه‌ و خشتێ كونفرانسى سوبه‌هى مه‌سعود بارزانى سه‌روكێ هه‌رێما كوردستانێ ل ده‌مژمێر یازده‌ و نیڤ هه‌تا دووازده‌ و چل و پێنج خوله‌ك ب ده‌مێ ئه‌لمانیا و ده‌مژمێر ئێك و نیڤ هه‌تا دوو و چل و پێنج خوله‌ك ب ده‌مێ كوردستانێ د پانێلا جیوپولیتیكا نویا روژهه‌لاتا ناڤه‌راست دا پشكداریێ بكه‌ت و دڤى ته‌وه‌رى دا ل ده‌ستپێكێ سیناتور جون مه‌كێن بو پازده‌ خوله‌كا ل سه‌ر جیوپولیتیكا روژهه‌لاتا ناڤه‌راست دێ په‌یڤیت ل دویڤ دا بو ده‌مێ پازده‌ خوله‌كا ژلایێ پشكداران ڤه‌ دێ گه‌نگه‌شه‌ ل سه‌ر هێته‌ كرن كو پێك دهێن ژ :
ئێك : شێخ محه‌مه‌د بن عه‌بدولره‌حمان وه‌زیرێ ده‌رڤه‌ یێ قه‌ته‌ر
دوو: عه‌بدوله‌تیف بن ره‌شید ئه‌لزه‌یانى سكرتێرێ جڤاتا هاریكاریێن وه‌لاتێن كه‌نداڤى
سێ : مه‌سعود بارزانى سه‌روكێ هه‌رێما كوردستانێ
ل دویڤ دا هه‌ر ئێك ژ نوربه‌رت روتگن سه‌روكێ لیژنا به‌ره‌ڤانیێ ل په‌رله‌مانێ ئه‌لمانیا و جون مه‌كێن سیناتور و سه‌روكێ لیژنا به‌ره‌ڤانیێ د جڤاتا سیناتورێن ئه‌مریكا دا .
پشتى تمامبوونا ڤێ پانێلێ موشێ ئالون وه‌زیرێ به‌ره‌ڤانیا ئیسرائیل بو ده‌مێ پازده‌ خوله‌كان ل سه‌ر هه‌مان پرس دێ ئاخڤیت.

2016-02-13
1911
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid