ێڤی
پارێزگه‌رێ دهوكێ دگه‌ل زانایێن ئایینى و گوتاربێژێن مزگه‌فتان كومبوو

 وه‌كو رێزگرتن ل رولێ ماموستایێن ئاینى وژبو شروڤه‌كرنا سه‌روبه‌رێ هه‌رێما كوردستانێ ودیاركرنا وان قه‌یرانێن ب سه‌ر هه‌رێما كوردستانێ دا هاتین وكارتێكرنا وان قه‌یرانا ل سه‌ر ژیانا وه‌لاتییان ئه‌ڤرو ل هولا كونگره‌یان ل زانكویا دهوكێ فه‌رهاد ئه‌مین ئه‌تروشى پارێزگه‌رێ دهوكێ دیداره‌ك دگه‌ل زانایێن ئاینى وگوتارخوینان ل سنورێ پارێزگه‌هێ سازكر.لده‌ستپێكا دیدارێ  رێڤه‌به‌رێ گشتى یێ ئه‌وقافا دهوكێ سه‌میان عبدالخالق بخێر هاتنا هه‌مى به‌رهه‌ڤبویان كر .لدویڤدا پارێزگه‌رێ دهوكێ چه‌ند رونكرن دانه‌ سه‌ر ره‌وشا سیاسى وئابورى ودارایى وشه‌رێ داعشێ ل سه‌ر هه‌رێمێ وجهێن دى  سه‌پاندى وكارتێكرنا وى شه‌رى ل سه‌ر هه‌مى بیاڤێن ژیانێ وگوت ڤى شه‌رى نه‌بتنێ كارتێكرن ل سه‌ر هه‌رێما كوردستانێ كریه‌ به‌لكو ل وه‌لاتێن ده‌وروبه‌ر وهه‌تا ل جڤاكێ ده‌وله‌تى ژى كریه‌ وئه‌نجامێن خراب ل دویف خو هێلاینه‌.هه‌روه‌سا ئاماژه‌ ب  نزم بوونا بهایێن فروتنا پترولێ ل سه‌ر ئاستێ جیهانێ ونه‌بونا پلانه‌كا رێكخستى بو په‌یداكرنا داهاتى ژ ژێده‌رێن دى وئالوزیا سیاسى ل هه‌رێما كوردستانێ ئه‌وژى بوینه‌ ئه‌گه‌ر كو ره‌وشا دارایى پتر ئالوزببیت .پارێزگه‌رێ دهوكێ گوت بو  به‌رسینگرتنا ڤان هه‌مى قه‌یرانان پێدڤییه‌ ئه‌م ئێك رێزیا نافمالا خو ب پارێزین وئه‌م پێكڤه‌ خو ژ به‌ر ڤان كاودانان بگرین دا ژ ڤێ ره‌وشێ ده‌ربازببین وژماموستایێن ئاینى خواست كو دڤى بیاڤى دا هاریكاریا حكومه‌تا هه‌رێما كوردستانێ بكه‌ن هه‌تا ژڤان كاودانێن ته‌نگاڤ ده‌ربازدبین ،هه‌روه‌سا گوت ئه‌ركه‌كێ مه‌زن وگرنگ دكه‌ڤیته‌ سه‌ر مللێن ماموستایێن ئاینى كو خه‌لكێ مه‌  ل سه‌ر بێن فره‌هیێ وخوراگریێ ئاگه‌هداربكه‌ن چونكه‌ ته‌نگاڤى ددوم كورتن وبناڤێ حكومه‌تا هه‌رێما كوردستانێ سوپاسیا هه‌مى ماموستایێن ئاینى وگوتار خوینان وبرێكا وان سوپاسیا هه‌مى كارمه‌ندێن رێڤه‌به‌ریێن ئه‌وقافێ وزانایێن ئاینى كر ژبه‌ر خوراگریا وان ل سه‌ر ڤان كاودانێن دارایى یێن به‌رته‌نگ وگیروبونا موچا .
ل دوماهیێ پارێزگه‌رێ دهوكێ رێڤه‌به‌ریێن ئه‌وقافێ ولقێن ئێكه‌تیا زانایێن ئاینى وب نوینه‌راتیا  وان هه‌مى ماموستا وگوتار خوین وكارمه‌ندێن ئه‌وقافێ خه‌لاتكرن.

2016-02-13
1915
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid