ێڤی
دوو ماموستایێن سنورێ پارێزگه‌ها دهوكێ موچێن ماموستایێن قوتابخانێن خو دابین دكه‌ن

وه‌كو رێزگرتن بو وان هه‌ردوو ماموستایێن پارێزگه‌ها دهوكێ یێن ده‌ستپێشخه‌رى كرى وموچێن ماموستا وفه‌رمانبه‌رێن قوتابخانێن خو دابینكرى ئه‌ڤرو فه‌رهاد ئه‌مین ئه‌تروشى پارێزگه‌رێ دهوكێ پێشوازیا هه‌ردوو ماموستایان وه‌لید خالد اسماعیل رێڤه‌به‌رێ قوتابخانا بامه‌رزێ ل قه‌زا به‌رده‌ره‌ش و عبدالعزیز رشید ماموستایێ قوتابخانا نزاركێ یا بنه‌رتى ل قه‌زا دهوكێ كر.
پارێزگه‌رێ دهوكێ بناڤێ خو وكارگێریا پارێزگه‌هێ ده‌ست خوشى ل هه‌ردوو ماموستایێن ناڤبرى كر وگوت ئه‌ڤ كارێ هه‌وه‌ ئه‌نجامداى كاره‌كێ نه‌ته‌وه‌یى نیشتمانى یه‌ ونیشانا دلسوزیا هه‌وه‌یه‌  بو گه‌ل وه‌لاتى وهیڤى خاستن نمونێن وه‌كو وان پتر دناڤ ملله‌تى  دا هه‌بن كو ڤان جوره‌  ده‌ستپێشخه‌ریا بكه‌ن وسه‌ركه‌فتن بو هه‌ردوو ماموستایان خواست.
پاش پارێزگه‌رێ دهوكێ ئه‌و هه‌ردوو ماموستا بره‌نگه‌كێ فه‌رمى خه‌لاتكرن وپیروزباهیا وان كر.
پاش هه‌ردوو ماموستا ته‌كه‌زكر كو كارێ وان كرى ئه‌ركه‌كێ بچویكه‌ به‌رامبه‌ر خه‌بات وقوربانیدا پێشمه‌رگه‌ى ل سه‌نگه‌رێن به‌ره‌ڤانیكرنێ ژئاخا كوردستانێ  ودیاركر  كو هندى ئه‌و بشێن دێ موچێ ماموستا وفه‌رمانبه‌رێن قوتابخانێن خو دابینكه‌ن وخوشحالیا خو ده‌ربرى به‌رامبه‌را وێ رێزگرتنێ یا پارێزگه‌رێ دهوكێ ل وان كرى.

2016-02-09
1919
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid