ێڤی
بمه‌ره‌ما شروڤه‌كرنا ره‌وشا پارێزگه‌هێ و قه‌یرانا دارایى جڤاتا پارێزگه‌ها دهوكێ پارێزگه‌رێ دهوكێ مێهڤان كر

بوشروڤه‌كرنا ره‌وشا هه‌رێما كوردستانێ وبزاڤێن حكومه‌تا كوردستانێ بو چاره‌سه‌ركرنا قه‌یرانا دارایى و ئابورى ودانا موچێن فه‌رمانبه‌ران وبزاڤێن پارێزگه‌هێ ژبو نزمكرنا بهایێ كه‌ل وپه‌لان وپێدڤیێن ژیانێ لناڤ بازارى ئه‌ڤرو ل هولا جڤاتا پارێزگه‌ها دهوكێ فه‌رهاد ئه‌مین ئه‌تروشى پارێزگه‌رێ دهوكێ كومبونه‌ك دگه‌ل فه‌هیم عبدالله سه‌روكێ جڤاتا پارێزگه‌هێ وئه‌ندامێن جڤاتێ سازكر.دكومبونێدا ب ئاماده‌بونا هه‌ردوو جێگرێن پارێزگه‌رى وهه‌ر حه‌فت قایمقامێن قه‌زایێن پارێزگه‌هێ به‌حسێ ره‌وشا هه‌رێما كوردستانێ بگشتى و پارێزگه‌ها دهوكێ ب تایبه‌ت وكارتێكرنا قه‌یرانێن دارایى یێن ب سه‌ر خه‌لكى دا هاتین وبزاڤێن حكومه‌تا كوردستانێ بو چاره‌سه‌ركرنا وان قه‌یرانان هاته‌ كرن.لده‌ستپێكێ سه‌روكێ جڤاتا پارێزگه‌ها دهوكێ به‌حسێ ئه‌گه‌رێن په‌یدابونا قه‌یرانان كر هه‌روه‌سا به‌حسێ بزاڤێن حكومه‌تا كوردستانێ كربو چاره‌سه‌ركرنا قه‌یرانان وژپارێزگه‌رێ دهوكێ خواست كوپتر رونكرنا ل دور كومبونێن جڤاتا وه‌زیران دیار كه‌ت دا پێكڤه‌ بهێنه‌ گه‌نگه‌شه‌كرن وهیڤى خواستن هه‌ر ئێك ل دویڤ ئاستێ به‌رپرسیاریا خو سه‌ره‌ده‌ریێ دگه‌ل ڤێ ره‌وشێ بكه‌ت هه‌تا ژڤێ قه‌یرانێ ده‌ربازدبین.لدویڤدا پارێزگه‌رێ دهوكێ رونكرن دانه‌ سه‌ر ره‌وشا كارگێرى یا پارێزگه‌هێ وڤه‌گوهاستنا قایمقامێن قه‌زایێن سه‌ر ب پارێزگه‌هێ ڤه‌ وته‌كه‌زكر كو به‌رنامێ ڤه‌گوهاستن وپێكگوهارتنێ  ل سه‌ر ئاستێ رێڤه‌به‌رێن ناحیا ژى دێ هێته‌ ئه‌نجامدان ، پاش به‌حسێ قه‌یرانێن دارایى وشه‌رێ داعش ژى كر وگوت ئه‌و قه‌یران بونه‌  فاكته‌ر كو قه‌یرانا سیاسى ژى ل كوردستانێ په‌یداببیت  ودیاركركو بزاڤ هه‌نه‌ بو ئاساییكرنا قه‌یرانا سیاسى .سه‌باره‌ت قه‌یرانا دارایى پارێزگه‌رێ دهوكێ گوت : قه‌یرانا دارایى وداكه‌تنا بهایێن پترولێ  گه‌له‌ك كارتێكرن ل سه‌ر ژیانا وه‌لاتییان وسه‌كته‌رێن دى كریه‌ وئاماژه‌ دا بزاڤێن حكومه‌تێ بو دانا موچێن فه‌رمانبه‌ران وچێكرنا لیژنێن تایبه‌ت ل سه‌ر ئاستێ ئه‌نجومه‌نێ وه‌زیران بو دوڤ چونا داهاتێ پترولێ یێ ده‌رڤه‌ وداهاتێ پترولێ یێ نافخویى ولیژنێن دى بو دویڤ چوونا بازارى ژبو رێكخستنا بهایێ كه‌ل وپه‌ل  وپێدڤیێن دى یێن روژانه‌  كو بگونجیت دگه‌ل ره‌وشا نوكه‌ ،هه‌روه‌سا به‌حسێ وان چاكسازیا كر یێن حكومه‌تا هه‌رێمێ ئه‌نجامده‌ت بو رێكخستنا داهاتى وكێمكرنا  مه‌زاختنێ وگوت ئه‌ڤ جوره‌ لیژنه‌ مه‌ ل سه‌ر ئاستێ پارێزگه‌هێ ژى چێكرینه‌ بو دویڤچوون وكێمكرنا  بهایێن كه‌ل وپه‌لا وسوته‌مه‌نیێ لناڤ بازارى وهیڤى خاستن كو هه‌مى ب پێكڤه‌ كاربكه‌ن هه‌تا ژڤان قه‌یرانان ده‌ربازببین .
پاش ده‌رگه‌هێ دان وستاندنێ هاته‌ ڤه‌كرن وبه‌رهه‌ڤبویێن كومبونێ چه‌ندین پێشنیار وبوچوون دیاركرن بو وێ چه‌ندێ ره‌وشا خه‌لكێ پارێزگه‌هێ بهێته‌ باشكرن.

2016-02-07
1894
ی
ڤ ی یێ 07504934005
Copyright Duhok TV 1992 - 2014, All rights Reserved. Developed by: Galwan Khalid